ທ່ານເລຂາທິການໃຫຍ່ ຫງວຽນຟຸຈ້ອງ ເຮັດວຽກກັບຄະນະ
ປະຈຳພັກແຂວງ ແລະ ພະນັກງານຫຼັກແຫຼ່ງແຂວງ ແຄ໋ງຮ່ວາ
(ພາບ: TTXVN)
(vovworld) – ໂດຍສືບຕໍ່ການປະຕິບັດງານຢູ່ບັນດາແຂວງແຄມທະເລທາງທິດໃຕ້ພາກກາງ, ຕອນບ່າຍວັນທີ 04/05, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ເຮັດວຽກກັບຄະນະປະຈຳພັກແຂວງ ແລະ ພະນັກງານຫຼັກແຫຼ່ງແຂວງ ແຄ໋ງຮ່ວາ. ສະຫຼຸບການເຮັດວຽກ ທ່ານເລຂາທິການໃຫຍ່ ຫງວຽນຟຸຈ້ອງ ສະແດງຄວາມປະທັບໃຈອັນດີງາມຕໍ່ການພັດທະນາຢ່າງໄວ ແລະ ຮອບດ້ານຂອງ ແຄ໋ງຮ່ວາ ໃນຊຸມປີຜ່ານມາ. ທ່ານເລຂາທິການໃຫຍ່ ກໍ່ຖືວ່າ: ແງ່ຫວັງພັດທະນາຂອງ ແຄ໋ງຮ່ວາ ແມ່ນຍັງໃຫຍ່ຫລວງຢູ່ ຍ້ອນມີຄວາມສາມາດບົ່ມຊ້ອນຫລາຍທ່າແຮງ ຍັງບໍ່ທັນຂຸດຄົ້ນໄດ້ໝົດເທື່ອ ແຂວງຄວນສືບຕໍ່ສ້າງແຜນຜັງ, ການພັດທະນາຢ່າງຮອບດ້ານໃຫ້ບັນດາເຂດ. ພ້ອມທັງ ຕ້ອງຮັບປະກັນຄວາມປອດໄພດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ປົກປັກຮັກສາອະທິປະໄຕທະເລໝູ່ເກາະຂອງປະເທດຊາດ. ທ່ານເລຂາທິການໃຫຍ່ ຫງວຽນຟຸຈ້ອງ ຊີ້ແຈ້ງວ່າ:
“ຮັກສາສະພາບແວດລ້ອມສັນຕິພາບ, ສະຖຽນລະພາບ, ຄວາມປອດໄພດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມໃຫ້ໝັ້ນຄົງ ແລະ ປອດໄສທີ່ສຸດ. ຢາກພັດທະນາດ້ານການທ່ອງທ່ຽວ ຕ້ອງຮັບປະກັນຄວາມປອດໄສ, ສະຖຽນລະພາບ. ເອົາໃຈໃສ່ເບິ່ງແຍງດ້ານເສດຖະກິດທະເລຕິດພັນກັບການປົກປັກຮັກສາປະເທດຊາດ ຄືດັ່ງທີ່ໄດ້ກ່າວມາຂ້າງເຖິງ. ຕ້ອງເກັດດຽວປົກປັກຮັກສາເອກະລາດ, ອະທິປະໄຕ, ຜືນແຜນດິນອັນຄົບຖ້ວນ ແລະ ຄວາມເປັນເອກະພາບຂອງປະເທດໄວ້ຢ່າງໝັ້ນຄົງ.