ທ່ານເລຂາທິການໃຫຍ່ ຫງວຽນຟູ໋ຈ້ອງ ກ່າວຄວາມເຫັນທີ່ການເຮັດວຽກ
(vovworld) – ວັນທີ27/8, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເປັນເຈົ້າພາບໃນການເຮັດວຽກຂອງຄະນະເລຂາສູນກາງພັກກັບຄະນະປະຈຳຄະນະພັກແຂວງລາຍເຈົາກ່ຽວກັບສະພາບການພາຍຫຼັງ 2 ປີ ແຫ່ງການຜັນຂະຫຍາຍການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ແລະ ມະຕິກອງປະຊຸມໃຫຍ່ອົງຄະນະພັກແຂວງລາຍເຈົາ ຄັ້ງທີ 12. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ: ຄະນະເລຂາຊົມເຊີຍແນວຄິດຊີ້ນຳ, ຈຸດໝາຍ, ມາດຕະການເຊິ່ງຄະນະພັດແຂວງລາຍເຈົາ ໄດ້ວາງອອກ, ເພື່ອນຳແຂວງຫຼຸດພົ້ນອອກຈາກສະພາບດ້ອຍພັດທະນາໃນປີ 2015 ແລະ ກາຍເປັນແຂວງມີລະດັບພັດທະນາປານກາງໃນເຂດພູດອຍທາງພາກເໜືອໃນປີ 2020. ທ່ານເລຂາທິການໃຫຍ່ ຫງວຽນຟູ໋ຈ້ອງ ຫວັງວ່າຄະນະພັກ, ອຳນາດການປົກຄອງ, ປະຊາຊົນບັນດາເຜົ່າໃນແຂວງຄວນເສີມຂະຫຍາຍບັນດາຜົນງານ, ບົດຮຽນທີ່ມີຢູ່ແລ້ວກວ່າອີກ, ເດັດດຽວໃນການຊີ້ນຳນຳພາ, ບໍລິຫານ, ເພື່ອໃຫ້ລາຍເຈົາມີບາດກ້າວພັດທະນາຢ່າງແຮງໃນຕໍ່ໜ້າ; ສືບຕໍ່ຮັກສາລະດັບເຕີບໂຕເສດຖະກິດ; ຂຸດຄົ້ນບັນດາຄວາມສາມາດບົ່ມຊ້ອນ, ທ່າແຮງຂອງແຂວງຢ່າງເໝາະສົມ ແລະ ມີປະສິດທິຜົນ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງວ່າ:
“ຄະນະເລຂາເຫັນດີຕໍ່ເລື່ອງລາຍເຈົາ ຄວນເພີ່ມທະວີການລົງທຶນ, ມີກົນໄກສ້າງເງື່ອນໄຂອຳນວຍຄວາມສະດວກເພື່ອກໍ່ສ້າງ ແລະ ພັດທະນາຢ່າງແຮງ ແລະ ໝັ້ນຄົງ. ໃນບັນດາມາດຕະການສຸມໃສ່ບຸລິມາສິດອັນດັບໜຶ່ງມີການພັດທະນາພື້ນຖານໂຄງລ່າງ. ລາຍເຈົາ ຄວນພັດທະນາເສດຖະກິດເຂດຊາຍແດນຢ່າງແຮງ. ນອກນັ້ນຕ້ອງເອົາໃຈໃສ່ເຖິງການຍົກສູງລະດັບຄວາມຮູ້ຂອງປະຊາຊົນ, ພັດທະນາແຫຼ່ງຊັບພະຍາກອນມະນຸດຢູ່ກັບທີ່, ພິເສດແມ່ນບັນຫາພະນັກງານ, ພະນັກງານການນຳຫຼັກແຫຼ່ງ, ການນຳຄຸ້ມຄອງ…“
ຄະນະເລຂາກໍ່ສະເໜີໃຫ້ລາຍເຈົາ ຄວນເຮັດວຽກງານຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນບັນດາເຜົ່າໃນແຂວງເປັນຢ່າງດີ, ຮັກສາສີສັນວັດທະນະທຳຂອງຊົນເຜົ່າ.ທ່ານເລຂາທິການໃຫຍ່ ເນັ້ນໜັກວ່າ ລາຍເຈົາຄວນເອົາໃຈໃສ່ຊີ້ນຳປະຕິບັດການກໍ່ສ້າງລະບົບການເມືອງແຕ່ຂັ້ນແຂວງລົງຮອດຂັ້ນຕາແສງເປັນປະຈຳ, ເຮັດວຽກງານຂົນຂວາຍປະຊາຊົນເປັນຢ່າງດີ, ສືບຕໍ່ປະຕິບັດມະຕິສູນກາງຄັ້ງທີ 4 ຊຸດທີ 11 ກ່ຽວກັບການກໍ່ສ້າງພັກ, ຕິດພັນກັບການປະຕິບັດຄຳສັ່ງ 03 ຂອງກົມການເມືອງ ກ່ຽວກັບການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນຢ່າງເຂັ້ມງວດ.