ພາບປະກອບ
|
(vovworld) - ໂດຍຮັບຄຳເຊີນຂອງກະຊວງການຕ່າງປະເທດ ສແຊກ, ຄະນະຜູ້ແທນກະຊວງການຕ່າງປະເທດຫວຽດນາມ, ໂດຍທ່ານລັດຖະມົນຕີຊ່ວຍວ່າການ ບູ່ຍແທງເຊີນ ເປັນຫົວຫນ້າຄະນະ, ໄດ້ໄປຢ້ຽມຢາມ ແລະ ເຮັດວຽກຢູ່ ສແຊກ ແຕ່ວັນທີ 13-15/4. ຄະນະໄດ້ທາບທາມການເມືອງກັບການນຳກະຊວງການຕ່າງປະເທດ ແລະ ກະຊວງການຄ້າອຸດສາຫະກຳ ສແຊກ. ທີ່ການເຮັດວຽກຕ່າງໆ, ຝ່າຍແຊກ ຢືນຢັນນະໂຍບາຍສະເໝີຕົ້ນສະເໝີປາຍ, ຖືເປັນສຳຄັນການພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານທີ່ດີງາມກັບຫວຽດນາມ; ເຫັນດີເພີ່ມທະວີການສົມທົບກັນກັບຫວຽດນາມ ທີ່ບັນດາເວທີປາໄສສາກົນ, ພິເສດແມ່ນຢູ່ ສະຫະປະຊາຊາດ, ໃນຂອບເຂດ ASEM, ແລະ ການຮ່ວມມື ອາຊຽນ - ອີຢູ ໃນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ. ຝ່າຍແຊກ ໃຫ້ຮູ້ຈະເຊັນອະນຸມັດສັນຍາຄູ່ຮ່ວມມື ແລະ ຮ່ວມມືຮອບດ້ານລະຫວ່າງຫວຽດນາມ - ສະຫະພາບເອີລົບ ໂດຍໄວ, ກໍ່ຄືສະໜັບສະໜູນເລື່ອງປະຕິບັດສຳເລັດການເຈລະຈາ ແລະ ເຊັນສັນຍາການຄ້າເສລີຫວຽດນາມ - ອີຢູ. ຝ່າຍ ສແຊກ ຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ ຢູ່ແຊກ ເຂົ້າໃນພາລະກິດພັດທະນາເສດຖະກິດ - ສັງຄົມ ແລະ ວັດທະນະທຳຂອງແຊກ.
ກ່ຽວກັບບັນຫາທະເລຕາເວັນອອກ, ແຊກຕີລາຄາສູງວິທີສຳພັດຂອງຫວຽດນາມ ແລະ ອາຊຽນ ໃນການແກ້ໄຂຄວາມຂັດແຍ້ງກັນດ້ວຍສັນຕິວິທີ, ບົນພື້ນຖານກົດໝາຍສາກົນ, ສະໜັບສະໜູນອາຊຽນມີບົດບາດໃຈກາງໃນການຮ່ວມມືຢູ່ພາກພື້ນອາຊີ - ປາຊີຟິກ.