(vovworld) – ວັນທີ 18/08, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສ່ິງແວດລ້ອມ ໄດ້ສົມທົບກັບໂຄງການພັດທະນາສະຫະປະຊາຊາດ (UNDP) ແລະ ອົງການຮ່ວມມືພັດທະນາເຢຍລະມັນ (GIZ), ຈັດກອງປະຊຸມສຳມະນາເລີ່ມເຄື່ອນໄຫວ “ສ້າງບົດລາຍງານຄາດຄະເນປະກອບສ່ວນໂດຍປະເທດຕັດສິນເອງ” (INDC). ກ່າວຄຳເຫັນໄຂກອງປະຊຸມສຳມະນາ, ທ່ານຮອງລັດຖະມົນຕີກະຊວງຊັບພະຍາກອນ ແລະ ສ່ິງແວດລ້ອມ ເຈີນຮົ່ງຮ່າ ໃຫ້ຮູ້ວ່າ, ໃນໄລຍະແຕ່ນີ້ຮອດເມື່ອຫວຽດນາມ ແລະ ບັນດາຝ່າຍທີ່ກ່ຽວຂ້ອງເຂົ້າຮ່ວມສົນທິສັນຍາອື່ນຕ້ອງຍື່ນສະເໜີ INDC ແມ່ນບໍ່ມີເວລາຫຼາຍ. ສະນັ້ນ, ຕ້ອງຮີບເຮັ່ງຜັນຂະຫຍາຍການປະຕິບັດການກໍ່ສ້າງ INDC ຂອງຫວຽດນາມ ບົນຫຼັກຫານຮັບປະການພັນທະຂອງຝ່າຍໜຶ່ງທີ່ເຂົ້າຮ່ວມສັນທິສັນຍາ ແລະ ກົມກຽວກັບຜົນປະໂຫຍດຂອງຫວຽດນາມ. ທ່ານຮອງລັດຖະມົນຕີ ເຈີນຮົ່ງຮ່າ ເນັ້ນໜັກວ່າ, ເລື່ອງສ້າງຕັ້ງ INDC ຂອງຫວຽດນາມ ຕ້ອງປະຕິບັດຢ່າງຈະແຈ້ງ, ມີການເຂົ້າຮ່ວມຂອງທຸກໆຝ່າຍທີ່ກ່ຽວຂ້ອງ, ໃນນັ້ນມີບັນດາຄູ່ຮ່ວມມືພັດທະນາສາກົນຢູ່ຫວຽດນາມ.
ທີ່ກອງປະຊຸມສຳມະນາ, ຜູ້ຕາງໜ້າບັນດາກະຊວງ, ຂະແໜງການ, ບັນດານັກອຸປະຖຳ ໄດ້ປະກອບຄຳເຫັນໃສ່ເນື້ອໃນ ແລະ ຮູບພາບ INDC ຂອງຫວຽດນາມ, ລວມທັງບັນດາການປະກອບສ່ວນກ່ຽວກັບການຮັບມື, ຫຼຸດຜ່ອນ, ເພີ່ມທະວີຄວາມສາມາດຮັບເອົາ ແລະ ມອບສົ່ງເຕັກໂນໂລຊີ; ກົນໄກຮ່ວມມືລະຫວ່າງບັນດາກະຊວງ, ຂະແໜງການ ແລະ ອົງການ, ອົງການຈັດຕັ້ງທີ່ກ່ຽວຂ້ອງໃນການສ້າງ INDC.