(vovworld) – 2 ລາງວັນອັນສູງສົ່ງຂອງສະພາມະຫາບັນດິດສາກົນກ່ຽວກັບການຄົ້ນຄວ້າລະບົບສະຫະພັນລັດເຊຍ (IASS) ໄດ້ມອບໃຫ້ທ່ານນາງ ດຣ. ຫງວຽນທິແທງຍ່ານ, ສະມາຊິກສະພາມະຫາບັນດິດປະທານ, ຜູ້ອຳນວຍການໃຫຍ່ບໍລິສັດຫຸ້ນສ່ວນກ້າວໜ້າສາກົນ (AIC). ທ່ານນາງ ຫງວຽນທິແທງຍ່ານ ກໍ່ແມ່ນຜູ້ຍິງຄົນທຳອິດຂອງພາກພື້ນອາຊີແລະ ຫວຽດນາມ ທີ່ໄດ້ຮັບລາງວັນຈາກ IASS, ເຊິ່ງແມ່ນລາງວັນອັນສູງສົ່ງຂອງສະພາມະຫາບັນດິດ IASS, ໄລຍະ 10 ປີຈຶ່ງມອບລາງວັນເທື່ອໜຶ່ງ. ພິທີມອບລາງວັນຖືກດຳເນີນໃນວັນທີ 11/02, ຢູ່ຮ່າໂນ້ຍ.
ໃນ 10 ປີຜ່ານມາ, ທ່ານນາງ ຫງວຽນທິແທງຍ່ານ ແລະ ບັນດາຜູ້ຮ່ວມງາມຂອງທ່ານນາງຢູ່ AIC ໄດ້ມານະພະຍາຍາມນຳ 32 ເຕັກໂນໂລຊີທັນສະໄໝທີ່ສຸດນຳໃຊ້ຢູ່ຫວຽດນາມ ສຳເລັດຜົນ. 32 ເຕັກໂນໂລຊີດັ່ງກ່າວຂຶ້ນກັບຫຼາຍຂົງເຂດຄື: ນຳໃຊ້ບັນດາເຕັກໂນໂລຊີເພື່ອບຳບັດນ້ຳເສຍ; ນຳໃຊ້ເຕັກໂນໂລຊີເພື່ອບຳບັດທີ່ດິນຖືກມົນລະພິດໃຫ້ສະອາດ, ຢາຂ້າແມງໄມ້ ແລະ ທາດເຄມີໂອຊິນທີ່ຕົກຂ້າງໄວ້; ນຳໃຊ້ບັນດາເຕັກໂນໂລຊີໃໝ່ເພື່ອຍົກສູງຄຸນນະພາບການບຳລຸງສ້າງ, ນຳໃຊ້ບັນດາຜົນງານດ້ານເຕັກໂນໂລຊີ
ລາງວັນ IASS ແມ່ນເພື່ອແນໃສ່ເຊີດຊູບັນດານັກວິທະຍາສາດທີ່ມີຜົນງານດີເດັ່ນ ແລະ ມີບັນດາການອຸທິດສ່ວນ, ປະກອບສ່ວນພິເສດໃນຂົງເຂດວິທະຍາສາດໃນທົ່ວໂລກ. ລາງວັນດວງດາວ V.I.Vernadski ເຊິ່ງແມ່ນລາງວັນໂດຍສະພາມະຫາບັນດິດ IASS ເຊີດຊູໃຫ້ບັນດານັກວິທະຍາສາດດີເດັ່ນໃນທຸກຂົງເຂດ.