ບັນດາສະມາຊິກປະຕິບັດ ໂຄງການ Nanoneem (ພາບ: vov.vn)

ຄະນະຈັດຕັ້ງການເສັງ “ດໍາເນີນທຸລະກິດເພື່ອສັງຄົມຢ່າງມີຫົວຄິດປະດິດສ້າງ ປີ 2021 (Social Business Creation – SBC) ຫາກໍປະກາດໝາກຜົນຮອບສຸດທ້າຍ ດ້ວຍລາງວັນທີໜຶ່ງໄດ້ແກ່ ໂຄງການ Nanoneem ຂອງກຸ່ມນັກສຶກສາມະຫາວິທະຍາໄລສາກົນ - ມະຫາວິທະຍາໄລແຫ່ງຊາດນະຄອນ ໂຮ່ຈີມິນ. ການເສັງໂດຍມະຫາວິທະຍາໄລ HEC Montreal Canda ແລະ ສາດສະດາຈານ Muhammad Yunus - ເຊິ່ງເປັນຜູ້ທີ່ຍາດໄດ້ລາງວັນ Nobel ສັນຕິພາບ 2006 ເປັນຜູ້ລິເລີ່ມ ແລະ ຈັດຕັ້ງຂຶ້ນ.

ໂຄງການ Nanoneem ໂດຍທ່ານນາງ ປະລິນຍາເອກ ເຢືອງຫງວຽນຮົ່ງຍຸງ ພ້ອມດ້ວຍກຸ່ມນັກສຶກສາພະແນກ ເຕັກໂນໂລຢີຊີວະສາດ, ມະຫາວິທະຍາໄລສາກົນ - ມະຫາວິທະຍາໄລແຫ່ງຊາດນະຄອນ ໂຮ່ຈີມິນ ແລະ ນັກສຶກສາມະຫາວິທະຍາໄລການຄ້າຕ່າງປະເທດ ຮ່າໂນ້ຍ ຈໍານວນໜຶ່ງປະຕິບັດ. ນີ້ແມ່ນໂຄງການຄົ້ນຄວ້າຜະລິດຢາປ້ອງກັນພືດ, ໝູນໃຊ້ເຕັກໂນໂລຢີ Nano ເຂົ້າໃນການສ້າງຄວາມທົນທານໃຫ້ແກ່ບັນດາສ່ວນປະກອບທຳມະຊາດ, ຈາກນັ້ນ ຍົກສູງປະສິດທິຜົນໃນການຂ້າສັດຕູພືດ.