(ພາບປະກອບ)
(vovworld)- ຕອນບ່າຍວັນທີ 14/4, ຢູ່ ມະຫາວິທະຍາໄລວິງ-ແຂວງເງະອານ ໄດ້ຈັດພິທີຕ້ອນຮັບບຸນປີໃໝ່-ສົງການ ໃຫ້ແກ່ບັນດານັກສຶກສາລາວ, ໄທ ພວມຮ່ຳຮຽນຢູ່ໂຮງຮຽນແຫ່ງນີ້ ດ້ວຍບັນດາຮີດຄອງປະເພນີອັນເປັນມູນເຊື້ອຂອງບຸນປີໃໝ່ລາວ ແລະ ບຸນສົງການຄື: ພິທີອວຍພອນ, ຫົດນ້ຳ, ບາສີສູ່ຂວັນພ້ອມດ້ວຍບັນດາລາຍການສະແດງສິລະປະ. ສະມາຄົມມິຕະພາບຫວຽດນາມ-ລາວ ໄດ້ມອບທຶນສຶກສາໃຫ້ແກ່ນັກສຶກສາລາວ 10 ຄົນພວມຮ່ຳຮຽນຢູ່ໂຮງຮຽນ ແລະ ມອບທຶນສຶກສາໃຫ້ນັກຮຽນຈຳນວນໜຶ່ງທີ່ມີຜົນງານດີເດັ່ນໃນການຮ່ຳຮຽນ ແລະ ເຄື່ອນໄຫວຕ່າງໆຢູ່ໂຮງຮຽນ.
ໃນຕອນບ່າຍຂອງວັນດຽວກັນ, ໂຮງຮຽນວິທະຍາໄລສ້າງຄູກວາງນິງ ໄດ້ຈັດງານພົບປະແລກປ່ຽນລະຫວ່າງນັກສຶກສາລາວ ແລະ ນັກສຶກສາແຂວງກວາງນິງ ໃນໂອກາດບຸນປີໃໝ່ລາວ ດ້ວຍບັນດາລາຍການສະແດງສິລະປະສະແດງໃຫ້ເຫັນນ້ຳໃຈສາມັກຄີມິດຕະພາບພິເສດຫວຽດນາມ-ລາວ ແລະ ມອບຂອງຂວັນໃຫ້ແກ່ບັນດານັກສຶກສາລາວ.