ນັກສຶກສາລາວກວ່າ 600 ຄົນພວມຮໍ່າຮຽນຢູ່ເຊີນລາຈັດພິທີຕ້ອນຮັບບຸນປີໃໝ່
(ພາບປະກອບ: baomoi.com)
(vovworld) – ຕອນບ່າຍວັນທີ 14/04, ມີນັກສຶກສາລາວ ກວ່າ 600 ຄົນທີ່ພວມຮໍ່າຮຽນຢູ່ແຂວງເຊີນລາ ໄດ້ຈັດພິທີຕ້ອນຮັບບຸນປີໃໝ່ ພ້ອມກັບບັນດາຄູອາຈານ ແລະ ບັນດານັກສຶກສາຫວຽດນາມ. ແຕ່ລະປີ, ໃນໂອກາດນີ້ຄະນະອະທິການບໍດີບັນດາໂຮງຮຽນຄື: ວິທະຍາໄລການແພດເຊີນລາ, ມະຫາວິທະຍາໄລໄຕບັ໋ກ ແລະ ວິທະຍາໄລເຊີນລາ ໄດ້ຈັດພິທີຕ້ອນຮັບບຸນປີໃໝ່ ໃຫ້ບັນດານັກສຶກສາລາວ ທີ່ພວມຮໍ່າຮຽນຢູ່ແຂວງເຊີນລາ. ເຖິງວ່າ, ຕ້ອນຮັບບຸນປີໃໝ່ຫ່າງຈາກບ້ານເກີດເມືອງນອນ, ຄອບຄົວຂອງຕົນກໍ່ຕາມ, ແຕ່ບັນດາພິທີທີ່ເປັນມູນເຊື້ອຂອງບຸນປີໃໝ່ ຍັງຄັງໄດ້ຮັບການຈັດຕັ້ງຢ່າງສົມກຽດ, ຖືກກັບຮີດຄອງປະເພນີຂອງລາວ. ບັນດານັກສຶກສາລາວ ພວມຮໍ່າຮຽນຢູ່ເຊີນລາ ໄດ້ຮັບຄວາມເອົາໃຈໃສ່ ແລະ ນ້ຳໃຈອົບອຸ່ນຈາກບັນດາຄູອາຈານ ແລະ ນັກສຶກສາຫວຽດນາມ.