ນັກຮ້ອງ Soukthavy Southammavong ມາຈາກປະເທດລາວ

ເຂົ້າຮ່ວມລາຍການດັ່ງກ່າວມີການນຳວິທະຍຸກະຈາຍສຽງ ຫວຽດນາມ, ການນຳແຂວງກ໋ວາງນິງ, ບັນດາຜູ້ຕາງໜ້າບັນດາປະເທດ ອາຊຽນ, ແລະ ຊາວນະຄອນ ຮະລອງເປັນຈຳນວນຫຼວງຫຼາຍ. ຮອບຮອງຊະນະເລີດເປັນງານມະໂຫລານດົນຕີທີ່ເຕັມໄປດ້ວຍສິສັນ, ດ້ວຍ 22 ລາຍການທີ່ໄດ້ຮັບການກະກຽມຢ່າງພິຖິພິຖັນຂອງ ນັກຮ້ອງ 22 ຄົນທີ່ມາຈາກ 10 ປະເທດ ອາຊຽນ. ສ່ວນຫຼາຍແມ່ນບັນດາບົດເພງລ້ວນແຕ່ມີເນື້ອໃນເຊີດຊູຄວາມຮັກແພງບ້ານເກີດເມືອງນອນ, ປະເທດຊາດ, ປະຊາຊົນເຊິ່ງບັນດານັກຮ້ອງຢາກສົ່ງໄປເຖິງຜູ້ຊົມຜູ້ຟັງຂອງບັນດາປະເທດ ອາຊຽນ. ເພື່ອນ ຟານວັນລຶກ, ຜູ້ຊົມຢູ່ຮະລອງໃຫ້ຮູ້ວ່າ:

         ບັນດາລາຍການປີນີ້ໄດ້ຮັບການລົງທຶນຢ່າງລະອຽດ, ແລະບັນດານັກຮ້ອງກໍ່ໄດ້ຮ້ອງອອກມາຈາກຫົວໃຈຂອງຕົນ, ດັ່ງນັ້ນຂ້າພະເຈົ້າເຫັນວ່າທຸກລາຍການລ້ວນແຕ່ເປັນໜ້າເບີ່ງໜ້າຊົມ. ນອກຈາກສຽງດົນຕີແລ້ວ, ໄຟແສງສີກໍ່ໄດ້ລົງທຶນເປັນຢ່າງດີ. ບົດເພງທີ່ນ້ອງຮູ້ສຶກປະທັບໃຈທີ່ສຸດແມ່ນບົດເພງ “Listen” ຂອງນັກຮ້ອງ Rosani ມາຈາກ ມາເລເຊຍ.

        ພາຍຫຼັງ ເຮັດວຽກມາເປັນເວລາ3 ຊົ່ວໂມງ, ຄະນະກຳມະການງານປະກວດລວມມີບັນດານັກດົນຕີ, ນັກຮ້ອງທີ່ມີຊື່ສຽງຂອງ ຫວຽດນາມ, ໄທ, ຟິລິບປິນ ແລະ ອິນໂດເນເຊຍໄດ້ຄັດເລື້ອກເອົາ ຜູ້ເຂົ້າປະກວດດີເດັ່ນ 10 ຄົນ ຜ່ານເຂົ້າ ຮອບຊິງຊະນະເລີດ “ງານປະກວດ ສຽງເພງ ອາຊຽນ +3” ຄື: ນັກຮ້ອງ Aicelle (ຟີລິບປິນ), ເຈິນຮົ່ງຍຸງ (ຫວຽດນາມ), Rosario Ninih Chamini Biani (ມາເລເຊຍ), Olivia Christina (ອິນໂດເນເຊຍ), Eint Chit (ມຽນມາ), Sateanpong Klantang (ໄທ), Mohd Naqib Hafizuddin Bun Zulfikri (ບຣູໄນ), Ng Zhen Long Desmond (ສິງກະໂປ), Soukthavy Southammavong (ລາວ), Y Marineth (ກຳປູເຈຍ).