ທ່ານ ເຈືອງເຕີນຊາງ ເຮັດວຽກຢູ່ແຂວງ ນີງບິ່ງ
(ພາບ: Nguyễn Khang-TTXVN)
|
(vovworld)- ກ່າວຄວາມເຫັນທີການເຮັດວຽກ ກັບພະນັກງານຫຼັກແຫຼ່ງ ແຂວງນິງບີ່ງ ໃນວັນທີ 20 ມີນາ, ກ່ຽວກັບ ສະພາບການພັດທະນາເສດຖະກິດສັງຄົມ ແລະ ຮັບປະກັນການປ້ອງກັນຊາດ-ປ້ອງກັນຄວາມສະຫງົບ ຢູ່ທ້ອງຖິ່ນ, ທ່ານ ປະທານປະເທດ ເຈືອງເຕີ໋ນຊາງ ສະເໜີແຂວງຕ້ອງຍູ້ແຮງການຫັນປ່ຽນໂຄງປະກອບເສດຖະກິດ. ເປັນຕົ້ນແມ່ນຂົງເຂດກະສິກຳ ເລືອກເຟັ້ນແນວພັນປູກ ແລະ ສັດລ້ຽງ ມີທ່າແຮງຕິດພັນ ກັບການນຳໃຊ້ວິທະຍາສາດເຕັກນິກ ເຂົ້າໃນການຜະລິດ, ສ້າງເປັນແຜນນະໂຍບາຍ ແລະ ຄວາມສະເໝີຕົ້ນສະເໝີປາຍ ໃນການຊີ້ນຳບໍລິຫານ ຖືນີ້ເປັນໜ້າທີ່ຮີບດ່ວນ.
ທ່ານ ປະທານເນັ້ນໜັກວ່າ: ນິງບີ່ງກໍ່ເປັນແຫ່ງ ເຕົ້າໂຮມປູສະນີຍະສະຖານວັດທະນະທຳ, ທັດສະນີຍະພາບທີ່ມີຊື່ສຽງຫຼາຍແຫ່ງ ເຊັ່ນ: ເຂດປູຊະນີຍະສະຖານ ດິງ - ເລ, ເຈືອງອຽນ, ປ່າສະຫງວນ ກູກເຟືອງ, ທັດສະນີຍະພາບຈ່າງອານ… ນັ້ນແມ່ນຄວາມສາມາດບົ່ມຊ້ອນ, ທ່າແຮງ ເພື່ອພັດທະນາການທ່ອງທ່ຽວ, ການບໍລິການ, ທ່ານ ປະທານປະເທດ ຖືວ່າ: ໄປຄຽງຄູ່ກັບການຂຸດຄົ້ນ ຂະແໜງເສດຖະກິດປາຍແຫຼມນີ້ ແຂວງຈຳເປັນຕ້ອງອານຸລັກຮັກສາ, ບູລະນະ, ຄຸນຄ່າວັດທະນະທຳ, ປະຫວັດສາດ ສ້າງຜະລິດຕະພັນ ທ່ອງທ່ຽວໃໝ່ຕື່ມອີກ ເພື່ອດຶງດູດ ນັກທ່ອງທ່ຽວພາຍໃນ ແລະ ຕ່າງປະເທດ.
ຢູ່ນີງບິ່ງ, ທ່ານ ປະທານປະເທດ ເຈືອງເຕີ໋ນຊາງ ໄດ້ໄປໄຕ້ທູບ ຢູ່ ຫໍບູຊາເຈົ້າຊີວິດ ດິງ, ເຈົ້າຊີວິດ ເລດ້ານແຫ່ງ, ແລະ ຫໍສີລາເລກອາໄລຫາເຈົ້າຊີວິດ ເລກົງອວນ, ຜູ້ທີ່ໄດ້ຕັດສີນຍ້າຍເມືອງຫຼວງ ທຈາກນິງບີ່ງ ມາ ທັງລອງ ເມື່ອປີ 1010.