(vovworld) - ນັບແຕ່ວັນທີ 01/07/2013, ກົດໝາຍ 9 ສະບັບ ແລະ ດຳລັດ 2 ສະບັບທີ່ກ່ຽວຂ້ອງໂດຍກົງເຖິງສິດຂອງປະຊາຊົນເລີ່ມມີຜົນສັກສິດນັ້ນແມ່ນ: ກົດໝາຍວ່າດ້ວຍນະຄອນຫຼວງ, ກົດໝາຍວ່າດ້ວຍລາຍຮັບສ່ວນບຸກຄົນ (ສະບັບປັບປຸງ), ກົດໝາຍວ່າດ້ວຍການປັບໃໝລົງໂທດສຳລັບກໍລະນີມີການກຳທຳຜິດທາງດ້ານບໍລິຫານ, ກົດໝາຍປັບປຸງ, ເພີ່ມເຕີ່ມບາງມາດຕາກົດໝາຍວ່າດ້ວຍໄຟຟ້າ, ກົດໝາຍວ່າດ້ວຍການຄຸ້ມຄອງພາສີອາກອນ, ກົດໝາຍ ປັບປຸງເພີ່ມເຕີ່ມບາງມາດຕາຂອງກົດໝາຍວ່າດ້ວຍທະນາຍຄວາມ, ກົດໝາຍວ່າດ້ວຍສະຫະກອນ ແລະ ກົດໝາຍວ່າດ້ວຍການພິມຈຳໜ່າຍ.
ສ່ວນດຳລັດ 2 ສະບັບຂອງລັດຖະບານກໍ່ເລີ່ມມີຜົນສັກສິດນັບແຕ່ວັນທີ 01/07/2013 ເປັນຕົ້ນໄປນັ້ນແມ່ນ: ດຳລັດກຳນົດກ່ຽວກັບການປັບໄໝກໍລະນີມີການກຳທຳຜິດທາງດ້ານບໍລິຫານໃນຂົງເຂດຄົມມະນາຄົມທາງບົກ, ດຳລັດກຳນົດລະດັບເງິນເດືອນພື້ນຖານສຳລັບພະນັກງານ, ລັດຖະກອນ, ພາລະກອນ ແລະ ກຳລັງປະກອບອາວຸດ.
ຕອນບ່າຍວັນທີ 01/07, ຢູ່ຮ່າໂນ້ຍ, ອົງການປະກັນສັງຄົມຫວຽດນາມ ແລະ ກະຊວງສາທາລະນະສຸກ ໄດ້ສົມທົບກັນຈັດຕັ້ງ ງາມໂຮມຊຸມນຸມມິດຕິງວັນປະກັນສຸຂະພາບຫວຽດນາມ ດ້ວຍຫົວຂໍ້ວ່າ “ຊຸກຍູ້ວິວັດການປະຕິບັດຈຸດໝາຍປະຕິບັດການປະກັນສຸຂະພາບທົ່ວປວງຊົນ”. ກ່າວຄຳເຫັນທີ່ງານໂຮມຊຸມນຸມມິດຕິງ, ທ່ານຮອງນາຍົກລັດຖະມົນຕີຫວຽດນາມ ຫວູວັນນິງ ຕັກເຕື່ອນກະຊວງສາທາລະນະສຸກ ແລະ ປະກັນສັງຄົມຫວຽດນາມ ປະຕິບັດ 3 ຈຸດໝາຍທີ່ວາງອອກຂອງແຜນຮ່າງປະກັນສຸຂະພາບທົ່ວປວງຊົນເຊິ່ງຫາກໍ່ໄດ້ຮັບການອະນຸມັດຜ່ານຢ່າງມີປະສິດທິຜົນຈາກລັດຖະບານ. ໃນນັ້ນ ເພີ່ມອັດຕາປະຊາຊົນເຂົ້າຮ່ວມປະກັນສຸຂະພາບ, ເປີດກວ້າງເປົ້າໝາຍ ເພື່ອຮອດປີ 2015 ບັນລຸກວ່າ 70% ຈຳນວນປະຊາຊົນເຂົ້າຮ່ວມປະກັນສຸຂະພາບ ແລະ ຮອດປີ 2020 ອັດຕານີ້ແມ່ນ 80%. ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ.
“ສືບຕໍ່ຄົ້ນຄວ້າ, ສຳເລັດກົນໄກ, ນະໂຍບາຍ, ກົດໝາຍກ່ຽວກັບປະກັນສຸຂະພາບ; ໃນນັ້ນຕ້ອງສະເໜີການປັບປຸງ, ປ່ຽນແປງບັນດາຂໍ້ຈຳກັດຢ່າງທັນການ ເພື່ອໃຫ້ນະໂຍບາຍປະກັນສຸຂະພາບ ນັບມື້ນັບສອດຄອງກັບຄວາມຮຽກຮ້ອງຕົວຈິງ ແລະ ຄວາມຕ້ອງການພັດທະນາຂອງປະເທດຊາດໃນແຕ່ລະໄລຍະ. ສຳລັບກົນໄກ, ນະໂຍບາຍເປີດກວ້າງເປົ້າໝາຍເຂົ້າຮ່ວມປະກັນສຸຂະພາບ, ຕ້ອງເອົາໃຈໃສ່ເຖິງບັນດາເປົ້າໝາຍຄື ຊາວກະສິກອນ, ຊາວປາມົງ, ຜູ້ມີລາຍຮັບຕໍ່າ, ຄົນງານເສລີ. ສຳລັບກົນໄກ, ນະໂຍບາຍ ຈາຍ, ກວດ ແລະ ປິ່ນປົວພະຍາດ ຕາມການປະກັນສຸຂະພາບຕ້ອງເອົາໃຈໃສ່ເຖິງລະບຽບບໍລິຫານ, ທ່າທ່ີ, ຄຸນສົມບັດ ແລະ ຄຸນນະພາບການກວດ ແລະ ປິ່ນປົວພະຍາດ”.