(vovworld) – “ ນະຄອນ ໂຮ່ຈີ໋ມິນ ຕີລາຄາສູງບັນດາຄວາມສົນໃຈຂອງວິສາຫະກິດ ຍີ່ປຸນ ຕໍ່ ຫວຽດນາມ ເວົ້າລວມ, ນະຄອນ ໂຮ່ຈີ໋ມິນ ເວົ້າສະເພາະ; ກຽມພ້ອມຕ້ອນຮັບ ແລະ ສ້າງຄວາມສະດວກໃຫ້ບັນດາວິສາຫະກິດ, ນັກລົງທຶນ ຍີ່ປຸນ ມາຊອກຫາໂອກາດຮ່ວມມື, ຜະລິດດຳເນີນທຸລະກິດ“. ທ່ານ ເລຮົ່ງກວນ, ປະທານຄະນະກຳມະການປະຊາຊົນນະຄອນ ໂຮ່ຈີ໋ມິນ, ເນັ້ນໜັກຄືດັ່ງກ່າວທີ່ການຕ້ອນຮັບທ່ານ Nakagaki Yoshihiko, ຮອງປະທານສະມາຄົມສົ່ງເສີມການຕ່າງປະເທດປະຊາຊົນ ຍີ່ປຸນ (FEC) ພ້ອມກັບຄະນະນັກທຸລະກິດ ຍີ່ປຸນ ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານ ເລຮົ່ງກວນ ໃຫ້ຮູ້ວ່າ: ປະຈຸບັນ, ໃນຂອບເຂດນະຄອນມີວິສາຫະກິດ ແລະ ນັກລົງທຶນ ກວ່າ 600
ແຫ່ງຂອງ ຍີ່ປຸນ ລວມຍອດຈຳນວນທຶນກວ່າ 2,9ຕື້ USD, ແມ່ນແຫຼ່ງທຶນຫຼາຍທີ່ສຸດໃນນະຄອນ. ນະຄອນດຳເນີນການກໍ່ສ້າງເຂດອຸດສາຫະກຳ ຫວຽດ - ຍີ່ປຸນ ດ້ວຍຂະໜາດເບື້ອງຕົ້ນແມ່ນກວ່າ 100ແຮກຕາ ເພື່ອດຶງດູດບັນດານັກລົງທຶນ ຍີ່ປຸນ. ຄຽງຂ້າງນັ້ນ, ພຶ້ນຖານໂຄງລ່າງ, ມີແຫຼ່ງຊັບພະຍາກອນມະນຸດບັນລຸຄຸນນະພາບສູງ, ການບໍລິການຂອງນະຄອນກໍ່ແມ່ນບັນດາປັດໃຈສະດວກເພື່ອຮັບໃຊ້ຄວາມຕ້ອງການລົງທຶນ, ຜະລິດດຳເນີນທຸລະກິດຂອງບັນດານັກລົງທຶນ ຍີ່ປຸນ.