ພິທີວາງເຂົ້າຕົ້ມຂອງພາກໃຕ້ (Bánh Tét) ຖະຫວາຍບູຊາເຈົ້າຊີວິດຮຸ່ງ
ພາບ:internet
|
(vovworld)- ຕອນເຊົ້າວັນທີ 6/2, ນະຄອນ ໂຮ່ຈິມິນ ໄດ້ຈັດຕັ້ງພິທີວາງເຂົ້າຕົ້ມຂອງພາກໃຕ້ (Bánh Tét) ຖະຫວາຍບູຊາເຈົ້າຊີວິດຮຸ່ງ. ນະພິທີ, ບັນດາຜູ້ແທນ ພ້ອມກັບຊາວ ນະຄອນໂຮ່ຈິມິນ ນັບພັນຄົນ ໄດ້ວາງເຂົ້າຕົ້ມ, ພາເຂົ້າ ແລະ ໝາກໄມ້ພິເສດຂອງພາກໃຕ້ຫລາຍຊະນິດເພື່ອຖະຫວາຍບູຊາ ເຈົ້າຊີວິດຮຸ່ງ. ນີ້ແມ່ນການເຄື່ອນໄຫວ ຊຶ່ງນະຄອນໂຮ່ຈິມິນ ຈັດຕັ້ງປະຈຳປີໃນໂອກາດບຸນເຕັດ ເພື່ອສະແດງຄວາມຮູ້ບຸນຄຸນຢ່າງເລິກເຊິ່ງທີ່ມີຕໍ່ບັນດາເຈົ້າຊີວິດຮຸ່ງ, ຜ່ານນັ້ນ ສຶກສາໃຫ້ລຸ້ນຫນຸ່ມກ່ຽວກັບມູນເຊື້ອຮັກຊາດ, ນຳ້ໃຈມະຫາສາມັກຄີທົ່ວປວງຊົນທັງຊາດ. ທ່ານ ກາວຫືວນຽນ, ຮອງຫົວຫນ້າຄະນະຄຸ້ມຄອງສວນສາທາລະນະປະຫວັດສາດ ວັດທະນະທຳຊົນເຜົ່າ ຢູ່ ນະຄອນ ໂຮ່ຈິມິນ ໃຫ້ຮູ້ວ່າ:
“ຕາມມູນເຊື້ອນັບພັນປີຂອງຊາດເຮົາ, ເມື່ອລະດູບານໃຫມ່ວຽນມາ, ທຸກຄອບຄົວລ້ວນແຕ່ມີການຄົບຫນ້າພໍ້ຕາ, ຫໍ່ເຂົ້າຕົ້ມ ແລະ ຖະຫວາຍບູຊາປູຍ່າຕາຍາຍ ເພື່ອສະແດງຄວາມຮູ້ບຸນຄຸນ. ນີ້ແມ່ນມູນເຊື້ອອັນດີງາມຊຶ່ງພວກເຮົາຕ້ອງຮັກສາ. ແຕ່ລະປີ ພວກຂ້າພະເຈົ້າລ້ວນແຕ່ຈັດຕັ້ງການເຄື່ອນໄຫວຖະຫວາຍບູຊາເຈົ້າຊີວິດຮຸ່ງ ແລະ ປີນີ້ມີຂອບຂະຫນາດໃຫຍ່ກວ່າ.”