ນະຄອນ ໂຮ່ຈິມີນ ຊ່ວຍວິສາຫະກິດເຕັກໂນໂລຊີຂໍ້ມູນຂ່າວສານແກ້ໄຂຄວາມຫຍຸ້ງຍາກ
ທ່ານ Nguyen Anh Tuan, ຮອງຫົວຫນ້າພະແນກ
ຖະແຫລງຂ່າວ ແລະ ສື່ສານ ນະຄອນ ໂຮ່ຈິມີນ
ພາບ:internet
|
(vovworld) - ວັນທີ 13/6, ຢູ່ ນະຄອນ ໂຮ່ຈິມີນ, ສະພາປະຊາຊົນ ແລະ ພະແນກຖະແຫລງຂ່າວ - ສື່ສານ ນະຄອນໂຮ່ຈິມີນ ໄດ້ມີການພົບປະກັບບັນດາວິສາຫະກິດໃນຂົງເຂດເຕັກໂນໂລຊີຂໍ້ມູນຂ່າວສານ ເພື່ອແກ້ໄຂຄວາມຫຍຸ້ງຍາກ ຂໍ້ຕິດຂັດກ່ຽວກັບນະໂຍບາຍ, ການເງິນກໍຄືມາດຕະການກຳນົດທິດໄລຍະຍາວເພື່ອຍູ້ແຮງບັນດາການເຄ່ືອນໄຫວລົງທຶນ, ນຳໃຊ້, ຜັນຂະຫຍາຍບັນດາໂຄງການໃນໄລຍະຈະມາເຖິງ. ທີ່ການພົບປະ, ບັນດາວິສາຫະກິດປາດຖະຫນາຢາກໃຫ້ອຳນາດການປົກຄອງນະຄອນ ເອົາໃຈໃສ່ຊ່ວຍເຫລືອ, ສ້າງເງື່ອນໄຂໃຫ້ແກ່ບັນດາວິສາຫະກິດຂະຫນາດກາງ ແລະ ນ້ອຍ ມີກາລະໂອກາດສຳພັດກັບບັນດາໂຄງການທີ່ມີຂອບຂະຫນາດເໝາະສົມກັບແຕ່ລະເປົ້າໝາຍວິສາຫະກິດ, ມີນະໂຍບາຍຫນູນຊ່ວຍກູ້ຢືມທຶນ ຫລື ຫນູນຊ່ວຍດອກເບ້ຍສ່ວນຫນຶ່ງເພ່ືອໃຫ້ນັກລົງທຶນສາມາດຜັນຂະຫຍາຍບັນດາໂຄງການໃນຂົງເຂດທີ່ມີລັກສະນະພິເສດໂດຍໄວ. ທ່ານ Nguyen Anh Tuan, ຮອງຫົວຫນ້າພະແນກຖະແຫລງຂ່າວ ແລະ ສື່ສານ ນະຄອນ ໂຮ່ຈິມີນ ໃຫ້ຮູ້ວ່າ: “ປະຈຸບັນ ແມ່ນໄລຍະເສດຖະກິດປະສົບກັບຄວາມຫຍຸ້ງຍາກ ວິສາຫະກິດກໍປະສົບກັບຄວາມຫຍຸ້ງຍາກຫລາຍຢ່າງ, ໃນນັ້ນ ມີສອງບັນຫາຕ້ອງປະຕິບັດ ນັ້ນແມ່ນສ້າງໂຄງປະກອບ, ອົງປະກອບຄືນໃຫມ່. ທີສອງ ແມ່ນສ້າງໂຄງປະກອບກ່ຽວກັບບຸກຄະລາກອນຄືນໃຫມ່ ນັ້ນແມ່ນບັນຫາເປັນຕາຍ. ໃນໄລຍະຜ່ານມາ ບັນດາວິສາຫະກິດບຳລຸງສ້າງໄດ້ແຫລ່ງຊັບພະຍາກອນມະນຸດຢູ່ກັບທີ່ ນັ້ນກໍແມ່ນບັນຫາຕັດສິນເຖິງຄວາມເປັນຕາຍຂອງຕົນແລ້ວ”