(vovworld) - ຍາມໃດ ນະຄອນ ໂຮ່ຈີມິນ ກໍ່ຊົມເຊີຍ ບັນດານັກລົງທຶນ ແດນມາດ ມາລົງທຶນຢູ່ນະຄອນ, ຮ່ວມມືດຳເນີນທຸລະກິດ, ໃຫ້ຄຳໝັ້ນສັນຍາສ້າງເງື່ອນໄຂສະດວກໃຫ້ບັນດາໂຄງການພວມເຄື່ອນໄຫວຢູ່ ນະຄອນ, ພິເສດແມ່ນໂຄງການ ເຮືອນຂຽວ, ເຊິ່ງແມ່ນໂຄງການຮ່ວມມືລະຫວ່າງ ຫວຽດນາມ - ແດນມາດ. ນີ້ແມ່ນການຢັ້ງຢືນຂອງປະທານຄະນະກຳມະການປະຊາຊົນນະຄອນ ໂຮ່ຈີມິນ, ທ່ານ ເລຮ່ວາງກວນ, ທີ່ການຕ້ອນຮັບລັດຖະມົນຕີການຕ່າງປະເທດ ແດນມາດ Villy Sovndal ເມື່ອວັນທີ 27/2.
ທີ່ການຕ້ອນຮັບ, ທ່ານລັດຖະມົນຕີການຕ່າງປະເທດ ແດນມາດ Villy Sovndal ຕີລາຄາສູງການພັດທະນາຂອງນະຄອນ ໂຮ່ຈີມິນ ໃນຊຸມປີຜ່ານມາ. ທ່ານ Villy Sovndal ໃຫ້ຮູ້ວ່າ: ປະຈຸບັນມີບໍລິສັດ, ວິສາຫະກິດ, ຫ້ອງການຕາງໜ້າຂອງ ແດນມາດ ປະຈຳ ຫວຽດນາມ ປະມານ 130 ແຫ່ງ ແລະ ວິສາຫະກິດ ແດນມາດ ເກືອບທັງໝົດ ນິຍົມຊົມຊອບສະພາບແວດລ້ອມແຫ່ງການດຳເນີນທຸລະກິດ ຢູ່ ຫວຽດນາມ, ພິເສດແມ່ນນະຄອນ ໂຮ່ຈີມິນ. ນີ້ແມ່ນສັນຍານທີ່ດີ ເພື່ອຊຸກຍູ້ການພົວພັນ 2 ຝ່າຍລະຫວ່າງ 2 ປະເທດ. ຕາມທ່ານ Villy Sovndal ແລ້ວ, ໃນໄລຍະຈະມາເຖິງ, 2 ປະເທດອາດຈະຮ່ວມມືຢ່າງເລິກເຊິ່ງກ້ວາງຂວາງກ່ວາໃນຂົງເຂດເຕີບໂຕຂຽວ ແລະ ອຸດສາຫະກຳ, ສິນທະເລ.