ທ່ານ ເລແມ້ງຮ່າ, ຮອງປະທານຄະນະກຳມະການປະຊາຊົນນະຄອນ ໂຮ່ຈີ໋ມິນ ແລະ ທ່ານ ເອົາຢາງອວຍມິ໋ນ, ຮອງເຈົ້າຄອງນະຄອນ ກວາງເຈົາ
(ພາບ: Thanh Hùng)
(vovworld) - ຕອນບ່າຍວັນທີ 23/4, ທ່ານ ເລແມ້ງຮ່າ, ຮອງປະທານຄະນະກຳມະການປະຊາຊົນນະຄອນ ໂຮ່ຈີ໋ມິນ ໄດ້ຕ້ອນຮັບທ່ານ ເອົາຢາງອວຍມິ໋ນ, ຮອງເຈົ້າຄອງນະຄອນ ກວາງເຈົາ, ຈີນ, ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.
ທ່ານ ເລແມ້ງຮ່າ ໃຫ້ຮູ້ວ່ານະຄອນ ໂຮ່ຈີ໋ມິນ ສົນໃຈຕໍ່ເລື່ອງຊຸກຍູ້ສາຍພົວພັນກັບບັນດາທ້ອງຖິ່ນຂອງ ຈີນ. ໃນໄລຍະຜ່ານມາ, ນະຄອນໄດ້ສ້າງຕັ້ງສາຍພົວພັນຮ່ວມມືກັບຫຼາຍທ້ອງຖິ່ນຂອງ ຈີນ. ນະຄອນ ໂຮ່ຈີ໋ມິນ ກຽມພ້ອມຕ້ອນຮັບ ແລະ ສ້າງເງື່ອນໄຂໃຫ້ແກ່ບັນດາວິສາຫະກິດຂອງ ກວາງເຈົາ ມາຊອກຮູ້, ຮ່ວມມືລົງທຶນ.
ໂດຍຕີລາສູງຄວາມສາມາດບົມຊ້ອນການຮ່ວມມືພັດທະນາລະຫວ່າງສອງທ້ອງຖິ່ນ, ທ່ານ ເອົາຢາງອວຍມິ໋ນ, ຮອງເຈົ້າຄອງນະຄອນ ກວາງເຈົາ ໃຫ້ຮູ້ວ່າການຢ້ຽມຢາມນະຄອນ ໂຮ່ຈີ໋ມິນ ຄັ້ງນີ້ແນໃສ່ຈັດຕັ້ງການພົບປະທີ່ກ່ຽວຂ້ອງເຖີງຂົງເຂດການເງິນດ້ວຍການເຂົ້າຮ່ວມຂອງວິສາຫະກິດເກືອບ 300 ແຫ່ງ. ອີກດ້ານໜຶ່ງ, ໃນການຢ້ຽມຢາມຄັ້ງນີ້, ຄະນະການນຳນະຄອນ ກວາງເຈົາ ກໍ່ມີການພົບປະກັບສຳນັກງານແລກປ່ຽນຄ້າຂາຍຫຼັກຊັບນະຄອນ ໂຮ່ຈີ໋ມິນ ເພື່ອແລກປ່ຽນ, ຊອກຫາກາລະໂອກາດຮ່ວມມືລະຫວ່າງສອງຝ່າຍໃນໄລຍະຈະມາເຖີງ.