( vovworld ) – “ ຮຽງບ່າຮຽງໄລ່ພ້ອມກັບວິສາຫະກິດ ” ແມ່ນຫົວຂໍ້ການພົບປະໂດຍສະຫະພັນແຮງງານນະຄອນໂຮ່ຈິມິນຈັດຕັ້ງຂຶ້ນເມື່ອຕອນບ່າຍວັນທີ 3/5 ຢູ່ນະຄອນ ໂຮ່ຈິມິນ. ລາຍການໄດ້ຍ້ອງຍໍສັນລະເສີນ 134 ຄົນ ແມ່ນຜູ້ນຳໃຊ້ແຮງງານຂອງບັນດາວິສາຫະກິດທີ່ມີທຶນຂອງຕ່າງປະເທດ ແລະ ວິສາຫະກິດພາຍໃນປະເທດ ພ້ອມກັບປະທານກຳມະບານຮາກຖານ. ນີ້ແມ່ນໜື່ງໃນບັນດາວິສາຫະກິດທີ່ດີເດັ່ນ ຂະຫຍັນຂັນເຂື່ອນໃນການຜະລິດດຳເນີນທຸລະກິດ, ສຳເລັດພັນທະເສຍພາສີໃຫ້ລັດເປັນຢ່າງດີ, ມີສັນຍາແຮງງານລວມໝູ່ດ້ວຍບັນດາຂໍ້ມາດຕາທີ່ມີຜົນປະໂຫຍດໃຫ້ແກ່ຄົນງານ. ທ່ານ Trinh Chi Cuong, ຜູ້ອຳນວຍການໃຫຍ່ບໍລິສັດຫຸ້ນສ່ວນຢາງ ດ້າຍດົງຕ໋ຽນ, ແມ່ນໜື່ງໃນບັນດາວິສາຫະກິດຫາກໍ່ໄດ້ຮັບການຍ້ອງຍໍໃຫ້ຮູ້ວ່າ.
“ ໃນແຕ່ລະປີຢູ່ບໍລິສັດ ດ້າຍດົງຕ໋ຽນ ພວກຂ້າພະເຈົ້າໄດ້ອີ່ງໃສ່ຍຸດທະສາດຂອງບໍລິສັດ. ບົນພື້ນຖານນັ້ນ, ພວກຂ້າພະເຈົ້າຍົກອອກແຜນການບຳລຸງສ້າງໃຫ້ແຕ່ລະພາກສ່ວນ, ແຕ່ລະຕຳແໜ່ງຢ່າງຈະແຈ້ງ, ນັບທັງບຳລຸງສ້າງໃຫ້ກຳມະກອນກ່ຽວກັບຄວາມປອດໄພໃນການອອກແຮງງານ, ຄວາມປອດໄພດ້ານສະບຽງອາຫານ ແລະ ບຳລຸງສ້າງສີມືການຊ່າງ. ອີ່ງຕາມໝາກຜົນດຳເນີນທຸລະກິດຂອງບໍລິສັດ, ພວກຂ້າພະເຈົ້າຍັງມີການແບ່ງຜົນກຳໄລໃຫ້ແກ່ທຸກຄົນ, ນັບທັງກຳມະກອນ ແລະ ບັນດາອ້າຍນ້ອງເຮັດອະນາໄມກໍຈະໄດ້ຮັບແບ່ງຜົນປະໂຫຍດພາຍຫຼັງເຮັດວຽກເປັນເວລາ 1 ປີ ”.