(ພາບ: vov)
(vovworld)- ຕອນບ່າຍວັນທີ 18/8, ຢູ່ນະຄອນຫຼວງມົດສະກູ, ຄະນະກຳມະການ ປຊຊ ນະຄອນດ່ານັງ ສົມທົບກັບສະຖານທູດຫວຽດນາມ ປະຈຳສະຫະພັນລັດເຊຍ ຈັດລາຍການໂຄສະນາ, ສົ່ງເສີມການຄ້າຢູ່ສະຫະພັນລັດເຊຍ. ດ່ານັງ ນອນໃນເຂດເສດຖະກິດຈຸດສຸມທາງພາກກາງຫວຽດນາມ ດ້ວຍຝັ່ງທະເລຍາວກ່ວາ 60 ກມ, ດ້ວຍບັນດາຫາດຊາຍທະເລສວຍງາມ. ດ່ານັງ ແມ່ນໜຶ່ງໃນບັນດາແຂວງ, ນະຄອນມີລະດັບການເຕີບໂຕແຮງພໍສົມຄວນຂອງຫວຽດນາມ. ຕີລາຄາກ່ຽວກັບຄວາມສາມາດບົ່ມຊ້ອນດ້ານການທ່ອງທ່ຽວຂອງດ່ານັງ, ທ່ານ Alechxay Yakin ຜູ້ອຳນວຍການບໍລິສັດທ່ອງທ່ຽວ Profit Travel ຂອງລັດເຊຍ ຖືວ່າ:
“ຫວຽດນາມ ແມ່ນແຫ່ງທີ່ດີທີ່ສຸດສຳລັບຍາມພັກຜ່ອນລະດູໜາວຂອງແຂກທ່ອງທ່ຽວລັດເຊຍ, ຍ້ອນວ່າໃນທົ່ວປະເທດລ້ວນແຕ່ມີບັນດາຫາດຊາຍທະເລທີ່ສວຍງາມທີ່ສຸດ. ຂ້າພະເຈົ້າເຄີຍມາຫວຽດນາມ 2 ເທື່ອແລ້ວ ແລະ ໄດ້ມາຟູກວກ, ຍາຈາງ, ຟານທຽດ, ເຫ້ວ, ຮ້າລອງ, ໂຮ່ຈິມິນ, ຮ່າໂນ້ຍ, ດ່ານັງ…ຂ້າພະເຈົ້າເຫັນວ່າ, ໃນໄລຍະຈະມາເຖິງຈະຕ້ອງໂຄສະນາແຮງກ່ວາອີກໃນຕະຫຼາດລັດເຊຍ ເພື່ອດຶງດູດແຂກທ່ອງທ່ຽວລັດເຊຍມາຫວຽດນາມ, ໂດຍສະເພາະແມ່ນດ່ານັງ… “./.