ນະຄອນຮ່າໂນ້ຍແລະແຂວງຮວ່າບິ່ງເພີ່ມທະວີການຮ່ວມມື, ພັດທະນາ
(ທ່ານ ຟ້າມກວາງງີ້, ເລຂາຄະນະພັກນະຄອນຮ່າໂນ້ຍ)
(vovworld) – ວັນທີ 15/4, ຄະນະປະຕິບັດງານຂອງນະຄອນຮ່າໂນ້ຍ ໂດຍທ່ານ ຟ້າມກວາງງີ້, ເລຂາຄະນະພັກນະຄອນຮ່າໂນ້ຍ ເປັນຫົວໜ້າຄະນະ, ໄດ້ລົງຢ້ຽມຢາມ ແລະ ເຮັດວຽກຢູ່ແຂວງຮວ່າບິ່ງ. ທີ່ການເຮັດວຽກ, ຜູ້ຕາງໜ້າການນຳ 2 ແຂວງ, ນະຄອນໄດ້ແລກປ່ຽນກ່ຽວກັບບາງບັນຫາທີ່ຄວນເອົາໃຈໃສ່ ໃນການຮ່ວມມືພັດທະນາຄື: ເພີ່ມທະວີການແລກປ່ຽນບົດຮຽນກ່ຽວກັບວຽກງານຄຸ້ມຄອງລັດໃນຂົງເຂດກະສິກຳ, ການສຶກສາ ແລະ ບຳລຸງສ້າງ, ສາທາລະນະສຸກ, ພັດທະນາດ້ານການຄ້າ, ການທ່ອງທ່ຽວ; ແບ່ງປັນບົດຮຽນໃນການສ້າງບັນດາແຜນຮ່າງ, ໂຄງການ, ນະໂຍບາຍໜູນຊ່ວຍພັດທະນາການຜະລິດກະສິກຳຕາມທິດເຕັກໂນໂລຊີສູງ… ນະຄອນຮ່າໂນ້ຍ ແລະ ແຂວງຮວ່າບີ່ງ ກໍ່ສືບຕໍ່ສົມທົບກັນ ຢ່າງແໜ້ນແຟ້ນກວ່າອີກ ໃນວຽກງານຕໍ່ສູ້, ປ້ອງກັນຕ້ານອາດຊະຍາກຳ, ສໍ້ກົງ ການຄ້າ, ປ້ອງກັນຕ້ານໂລກລະບາດ. ສົມທົບກໍ່ສ້າງ, ຍົກລະດັບເສັ້ນທາງເຊື່ອມຕໍ່ລະຫວ່າງ 2 ແຂວງ, ນະຄອນ: ທາງຫຼວງເລກ 6 (ຕອນເທດສະບານ ຊວນມາຍ ໄປນະຄອນຮວ່າບິ່ງ), ເສັ້ນທາງ ຮວ່າລາກ ໄປນະຄອນ ຮວ່າບີິ່ງ ແລະ ປະຕິບັດແຜນການກໍ່ສ້າງນະຄອນຫຼວງຮ່າໂນ້ຍ ຮອດປີ 2020 ແລະ ວິໄສທັດຮອດປີ 2050.