ນະຄອນໂຮ່ຈິມິນ ຈັດພິທີສະເຫຼີມສະຫຼອງ 224 ປີແຫ່ງວັນໄຊຊະນະ ດົ່ງດາ
ລາຍການສະແດງລະຄອນກ່ຽວກັບໄຊຊະນະ ດົ້ງດາ
(ພາບ : vanhoadoisong)
|
Vovworld- ຕອນຄ່ຳວັນທີ 14/2 (ກົງກັບວັນທີ 5 ເດືອນຈຽງໄລ່ຕາມຈັນທະປະຕິທີນ), ຢູ່ ນະຄອນໂຮ່ຈິມິນ, ພິທີສະເຫຼີມສະຫຼອງ 224 ປີແຫ່ງວັນໄຊຊະນະ ງອກໂຫ່ຍ - ດົ່ງດາ ໄດ້ຖືກຈັດຂຶ້ນຢ່າງຟົດຟື້ນມ່ວນຊື່ນ ແນໃສ່ເຊີດຊູຮູບພາບນັກວິລະຊົນ ກວາງຈູງ - ຫງວຽນເຫ້ວ ດ້ວຍບັນດາວິລະກຳທີ່ລືຊາຜາກົດ ໃນການຕ້ານພວກທະຫານຊິງ - ສັດຕູເຂົ້າມາຮຸກຮານ. ນີ້ແມ່ນໜຶ່ງໃນບັນດາໄຊຊະນະອັນຍິ່ງໃຫຍ່ໃນການຕໍ່ຕ້ານຕ້ານສັດຕູຜູ້ຮຸກຮານຂອງຊາດຫວຽດນາມ. ມີຊາວນະຄອນ ແລະ ແຂກສາລະທິດນັບພັນຄົນ ໄດ້ມາຮ່ວມງານບຸນ. ລຸງ ໂຮ່ຮຸ່ງ ຢູ່ເມືອງ 2 ນະຄອນໂຮ່ຈິມິນໃຫ້ຮູ້ວ່າ :
“ ລາຍການສະແດງລະຄອນກ່ຽວກັບໄຊຊະນະ ດົ້ງດາ ໃນມື້ນີ້ ແມ່ນມ່ວນຫຼາຍ. ຂ້າພະເຈົ້າຄິດວ່າ ບັນດາອົງການທີ່ມີໜ້າທີ່ຮັບຜິດຊອບຄວນຈັດບັນດາລາຍການເຊັ່ນນັ້ນ ເພື່ອປຸກລຸກນ້ຳໃຈຮັກຊາດ, ຄວາມສາມັກຄີໃນໝູ່ໄວໜຸ່ມ ເພື່ອປົກປັກຮັກສາອະທິປະໄຕຂອງປະເທດຊາດ, ເປັນຕົ້ນແມ່ນ ປົກປັກຮັກສາອະທິປະໄຕເຂດໝູ່ເກາະ ຮ່ວາງຊາ ແລະ ເຈື່ອງຊາຂອງຫວຽດນາມ ”