ນະຄອນໂຮ່ຈິມິນ ສົ່ງຊາວກະສິກອນໄປຕ່າງປະເທດເພື່ອຮໍ່າຮຽນເອົາ ບົດຮຽນ
(ພາບປະກອບ)
(vovworld) - ສະມາຄົມຊາວກະສິກອນນະຄອນໂຮ່ຈິມິນ ຈະຜັນຂະຫຍາຍການສົ່ງຊາວກະສິກອນໄປຮໍ່າຮຽນເອົາບົດຮຽນຢູ່ຕ່າງປະເທດ ຕາມໂຄງການທີ່ແກ່ຍາວເປັນເວລາ 5 ປີ. ໃນຄັ້ງທຳອິດ, ມີຊາວກະສິກອນ 30 ຄົນທີ່ຜະລິດເກັ່ງດີ ໄດ້ສົ່ງໄປຮຽນຢູ່ສ.ເກົາຫຼີ ເພື່ອຮໍ່າຮຽນເອົາບົດຮຽນກ່ຽວກັບການຜະລິດກະສິກຳ ແລະ ກໍ່ສ້າງຊົນນະບົດໃໝ່ໃນເດືອນ 06/2014. ຕາມແຜນຮ່າງ, ໄລຍະ 2014 – 2018 ມີພະນັກງານຄຸ້ມຄອງ ແລະ ຊາວກະສິກອນ 100 – 125 ຄົນຈະໄປຮໍ່າຮຽນເອົາບົດຮຽນກ່ຽວກັບວິທີການຄຸ້ມຄອງ, ເຕັກນິກຢູ່ບັນດາປະເທດທີ່ມີທ່າແຮງດ້ວຍກະສິກຳເຕັກໂນໂລຊີສູງຄື: ໄທ, ສ.ເກົາຫຼີ, ມາເລເຊຍ ແລະ ຈີນ. ທ່ານ ຫງວຽນວັນຟຸ້ງ, ປະທານສະມາຄົມຊາວກະສິກອນນະຄອນໂຮ່ຈິມິນ ໃຫ້ຮູ້ວ່າ.
“ແຜນຮ່າງນຳຊາວກະສິກອນໄປຮຽນຢູ່ຕ່າງປະເທດ ຈະຊ່ວຍໃຫ້ຊາວກະສິກອນຮັບເອົາບັນດາບົດຮຽນ ແລະ ຄວາມຮູ້ເພື່ອນຳໃຊ້ເຂົ້າໃນການຜະລິດ, ຊ່ວຍໂຄງການກໍ່ສ້າງຊົນນະບົດໃໝ່ຂອງນະຄອນໃຫ້ບັນລຸຜົນສຳເລັດ. ດ້ວຍຮູບແບບດັ່ງກ່າວ, ຊາວກະສິກອນນະຄອນຈະຄ່ອຍໆເຊື່ອມໂຍງກັບຊາວກະສິກອນໃນທົ່ວປະເທດ ແລະ ພາກພື້ນ”.