(vovworld) - “ທົບທວນຄືນໄລຍະ 1 ປີ” ນັ້ນແມ່ນຫົວຂໍ້ຂອງລາຍການຮັກຟັງ ແລະ ແລກປ່ຽນໃນເດືອນ 01/2013 ໂດຍສະພາປະຊາຊົນນະຄອນໂຮ່ຈິມິນ ສົມທົບກັບໂທລະພາບນະຄອນຈັດຕັ້ງໃນຕອນເຊົ້າວັນທີ 06/01. ລາຍການນີ້ຖືກຈັດຂຶ້ນແມ່ນເພື່ອແນໃສ່ຕີລາຄາບັນດາຜົນງານກ່ຽວກັບເສດຖະກິດ, ສົງຄົມຂອງນະຄອນໂຮ່ຈິມິນໃນປີ 2012 ແລະ ບັນດາມາດຕະການປະຕິບັດໜ້າທີ່ໃນປີ 2013. GDP ປີ 2012 ຂອງນະຄອນບັນລຸໄດ້ 592.000 ຕື້ດົງ. ໂຄງການຮັກສາລາຄາສິນຄ້າຕະຫຼາດເປັນປົກກະຕິນັບມື້ນັບມີຫຼາຍຮູບຫຼາຍແບບ, ຮູບແບບຊົນນະບົດໃໝ່ກໍໄດ້ຮັບການຜັນຂະຫຍາຍ ໄດ້ເຮັດໃຫ້ຊີວິດການເປັນຢູ່ຂອງປະຊາຊົນປ່ຽນໃໝ່ເທື່ອລະກ້າວ. ໃນປີຜ່ານມາ, ນະຄອນກໍ່ເລີ່ມລົງມືກໍ່ສ້າງບັນດາໂຄງການຈຸດສຸມ, ມີຄວາມໝາຍອັນໃຫຍ່ຫຼວງເພື່ອສຳເລັດລະບົບພື້ນຖານໂຄງລ່າງຕົວເມືອງ. ປີ 2013 ແມ່ນປີຈຸດສຸມປະຕິບັດແຜນການພັດທະນາເສດຖະກິດ, ສັງຄົມໄລຍະ 2011 – 2015. ໃນເງື່ອນໄຂພື້ນຖານເສດຖະກິດຍັງປະສົບກັບຄວາມຫຍຸ້ງຍາກຫຼາຍຢ່າງ, ນະຄອນໂຮ່ຈິມິນ ຈະເຮັດຈົນສຸດຄວາມສາມາດຂອງຕົນເພື່ອປະຕິບັດບັນດາຄາດໝາຍເສດຖະກິດ, ສັງຄົມທີ່ໄດ້ວາງອອກ. ທ່ານເລແມ້ງຮ່າ, ຮອງປະທານຄະນະກຳມະການປະຊາຊົນນະຄອນໂຮ່ຈິມິນ ໃຫ້ຮູ້ວ່າ.
“ນະຄອນໄດ້ວາງອອກ 5 ໜ້າທີ່ ແລະ ມາດຕະການແກ້ໄຂໃຫ້ປີ 2013 ເຊິ່ງແມ່ນຮັບປະກັນເສດຖະກິດເພື່ອເຮັດໃຫ້ໄຟເງິນເຟີ້ບໍ່ກັບຕ່າວຄືນ, ເພື່ອໃຫ້ປະຊາຊົນອຸ່ນອ່ຽງໃຈທຳການຜະລິດ, ດຳເນີນທຸລະກິດ. ສຳຄັນແມ່ນປະຕິບັດມາດຕະການແກ້ໄຂ ແລະ ອີງໃສ່ຖັນແຖວພະນັກງານ, ພາລະກອນ. ຖ້າຫາກຜູ້ນຳໜ້າກ້າຄິດກ້າທຳ ຈະສຳເລັດໜ້າທີ່. 2 ເນື້ອໃນຈະໄດ້ຮັບຄວາມເອົາໃຈໃສ່ນັ້ນແມ່ນວຽກງານພະນັກງານ ແລະ ຄຸ້ມຄອງທີ່ດິນ, ບໍ່ພຽງແຕ່ໃນປີ 2013 ເທົ່ານັ້ນ, ຫາກຍັງໃນຊຸມປີຕໍ່ໆໄປອີກດ້ວຍ.”