ນະຄອນໂຮ່ຈິມິນຂອງຫວຽດນາມ ແລະ ນະຄອນ ຫຼວງວຽງຈັນຂອງລາວເພີ່ມທະວີການຮ່ວມມື
(ນະຄອນໂຮ່ຈິມິນຂອງຫວຽດນາມ ແລະ
ນະຄອນຫຼວງວຽງຈັນຂອງລາວເພີ່ມທະວີການຮ່ວມມື)
(vovworld) – ໃນລະຫວ່າງແຕ່ວັນທີ 24-26/12, ຄະນະປະຕິບັດງານນະຄອນໂຮ່ຈິມິນ ໂດຍທ່ານຫວໍວັນເຖືອງ, ຮອງເລຂາຜູ້ປະຈຳການຄະນະພັກນະຄອນ ນຳໜ້າຄະນະ, ໄດ້ເດີນທາງໄປຢ້ຽມຢາມລາວ. ວັນທີ 25/12, ຄະນະປະຕິບັດງານໄດ້ເຈລະຈາກັບຄະນະຜູ້ແທນນະຄອນຫຼວງ ວຽງຈັນ ໂດຍທ່ານ ສິນລະວົງ ຄຸດໄພທູນ, ເລຂາ, ເຈົ້າຄອງນະຄອນຫຼວງວຽງຈັນ ນຳໜ້າຄະນະ.
ທີ່ການເຈລະຈາ, ນະຄອນໂຮ່ຈິມິນ ໃຫ້ຄຳໝັ້ນສັນຍາວ່າ: ນະຄອນໂຮ່ຈິມິນຈະໜູນຊ່ວຍນະຄອນວຽງຈັນ ກ່ຽວກັບເຕັກນິກປະສົມພັນ ເພື່ອມີງົວພັນທີ່ໃຫ້ສະມັດຕະພາບສູງ, ສ້າງຮູບແບບການຜະລິດກະສິກຳດ້ວຍເຕັກໂນໂລຢີສູງຈຳນວນໜຶ່ງ; ສົມທົບກັນກໍ່ສ້າງລາຍການທ່ອງທ່ຽວ 2 ຝ່າຍຮ່ວມສຳພັນກັບບາງປະເທດໃນພາກພື້ນ. ຕາມນັ້ນ, 2 ຝ່າຍເຫັນດີໃຫ້ນະຄອນໂຮ່ຈິມິນ ໜູນຊ່ວຍນະຄອນວຽງຈັນ ໃນການຊື້ເຄື່ອງອຸປະກອນຈຳນວນໜຶ່ງ ເພື່ອຮັບໃຊ້ໃນຂົງເຂດພາສີອາກອນ, ຄັງເງິນ, ການຄຸ້ມຄອງຊັບສິນຂອງລັດ, ຄຸ້ມຄອງງົບປະມານ ແລະ ໜູນຊ່ວຍທຶນສຶກສາບຳລຸງສ້າງວິຊາຊີບ.
ໃນໄລຍະຢ້ຽມຢາມລາວ, ຄະນະປະຕິບັດງານນະຄອນໂຮ່ຈິມິນ ໄດ້ເຂົ້າຢ້ຽມຄຳນັບບັນດາການນຳພັກ ແລະ ລັດແຫ່ງສປປ.ລາວ, ຢ້ຽມຢາມສະຖານທູດຫວຽດນາມ ປະຈຳລາວ ແລະ ບາງຮາກຖານເສດຖະກິດວັດທະນະທຳຂອງນະຄອນວຽງຈັນ.