ນະຄອນໂຮ່ຈີມິນຍ້ອງຍໍ“ຊາວໜຸ່ມເຮັດເສດຖະກິດເກັ່ງ”ປີ2016
(ພາບ: VOH)
(vovworld) - ຕອນເຊົ້າວັນທີ 31/07 ທີ່ພິທີຍ້ອງຍໍໂດຍຄະນະຊາວໜຸ່ມນະຄອນ ໂຮ່ຈີມິນ ຈັດຕັ້ງ, ມີຊາວໜຸ່ມດີເດັ່ນ 18 ຄົນຈາກ 5 ເມືອງຊານນະຄອນ ໂຮ່ຈີມິນ ໄດ້ຮັບການຍ້ອງຍໍ. ນີ້ແມ່ນບັນດາຊາວໜຸ່ມເຂົ້າຮ່ວມການຜະລິດ, ຄຸ້ມຄອງ, ດຳເນີນທຸລະກິດໂດຍກົງ ແລະ ມີຂໍ້ລິເລີ່ມ, ດັດແປງ, ໜູນໃຊ້ບັນດາຄວາມກ້າວໜ້າດ້ານວິທະຍາສາດເຕັກນິກ, ເຕັກໂນໂລຢີຊີວະສາດສູງຫລາຍຢ່າງເຂົ້າໃນການຜະລິດ ແລະ ນຳມາໃຫ້ປະສິດທິຜົນດ້ານເສດຖະກິດສູງ. ອ້າຍ ຟານຈ້ອງເຍີນ ຢູ່ເມືອງ ກູຈິ ແມ່ນໜຶ່ງໃນຊາວໜຸ່ມ 18 ຄົນໄດ້ຮັບການຍ້ອງຍໍແບ່ງປັນວ່າ:
“ນີ້ແມ່ນຄວາມເປັນກຽດ ແລະ ເປັນກຳລັງໜູນ ເພື່ອໃຫ້ຂ້າພະເຈົ້າສືບຕໍ່ພັດທະນາ, ເປີດກ້ວາງຮູບການລ້ຽງສັດຂອງຂ້າພະເຈົ້າ. ສຳລັບຊາວໜຸ່ມຊົນນະບົດໃນການກໍ່ຮ່າງສ້າງຕົວປະຈຸບັນ ແມ່ນຕ້ອງການໄດ້ຮັບການໜູນຊ່ວຍທຶນ ແລະ ວິທະຍາສາດເຕັກນິກລ້ຽງສັດ ເພື່ອມີບາດກ້າວຢ່າງໝັ້ນຄົງໃນອະນາຄົດ.”
ເນື່ອງໃນໂອກາດນີ້, ຄະນະຊາວໜຸ່ມນະຄອນ ໂຮ່ຈີມິນ ຍັງຈັດຕັ້ງການໂອ້ລົມສົນທະນາ “ເສດຖະກິດຊົນນະບົດ - ທິດທາງພັດທະນາຢ່າງໝັ້ນຄົງ”, ໃນນັ້ນສຸມໃສ່ແລກປ່ຽນກ່ຽວກັບນະໂຍບາຍພັດທະນາເສດຖະກິດກະສິກຳ, ຊົນນະບົດຂອງນະຄອນ ແລະ ບັນດາມາດຕະການໜູນຊ່ວຍຊາຍໜຸ່ມຊົນນະບົດໃນການຜະລິດ ແລະ ຊອກຫາສົ້ນອອກໃຫ້ຜະລິດຕະພັນ.