(vovworld) – ຕອນເຊົ້າວັນທີ 03/11, ການນຳຄະນະກຳມະການປະຊາຊົນນະຄອນໂຮ່ຈິມິນ ໄດ້ມີການພົບປະເປັນປະຈຳກັບສະຫະສະມາຄົມບັນດາວິສາຫະກິດເອີລົບ. ເຂົ້າຮ່ວມການພົບປະຍັງມີຜູ້ຕາງໜ້າຫົວໜ້າສະຖານກົງສູນບັນດາປະເທດເຢຍລະມັນ, ອີຕາລີ, ໂຮນລັງ. ທີ່ການພົບປະ, ການນຳນະຄອນໄດ້ຕີລາຄາສູງຄວາມສຳຄັນຂອງບັນດາວິສາຫະກິດເອີລົບ ທີ່ພວມລົງທຶນຢູ່ທີ່ນີ້. ທາງນະຄອນກໍພວມຍູ້ແຮງການປະຕິຮູບລະບຽບການບໍລິຫານ ແລະ ສ້າງເງື່ອນໄຂສະດວກໃຫ້ບັນດານັກລົງທຶນ.
ທີ່ການພົບປະ, ບັນດາວິສາຫະກິດເອີລົບ ໄດ້ແລກປ່ຽນກັບການນຳນະຄອນກ່ຽວກັບບາງບັນຫາຄື: ຊັບສິນທາງປັນຍາ, ການກໍ່ສ້າງລະບົບພື້ນຖານໂຄງລ່າງຄົມມະນະຄົມ, ຂັ້ນຕອນອອກໜັງສືອະນຸຍາດດຳເນີນທຸລະກິດ ຫຼື ເລື່ອງບັນດາວິສາຫະກິດຕ່າງປະເທດ ເຂົ້າຮ່ວມການຊື້ຮຸ້ນບັນດາລັດວິສາຫະກິດ.