(vovworld) – ຕອນເຊົ້າວັນທີ 14/3, ຢູ່ນະຄອນໂຮ່ຈີມິນ ໄດ້ດຳເນີນພິທີປະກາດ ແລະ ເລີ່ມປຸກລະດົມບັ້ນເຄື່ອນໄຫວ “ໂມງເພື່ອໂລກຂຽວ 2015“ ດ້ວຍສານທີ່ວ່າ: “ການກະທຳຂຽວ“, “ໂມງເພື່ອໂລກຂຽວ 2015“
ເຊິ່ງເນັ້ນໜັກເຖິງສະຕິທີ່ວ່າ “ການກະທຳຂອງເພື່ອນມື້ນີ້ ເປັນການສ່ອງແສງໜ່ວຍໂລກໃນອະນາຄົດ“ ດ້ວຍຄຳຮຽກຮ້ອງ: “ຈົ່ງພ້ອມກັບພວກເຮົາມີການກະທຳຂຽວເພື່ອອະນາຄົດຂຽວ“. ປີນີ້, ເຫດການດັ່ງກ່າວມີສອງໂຄງການໃໝ່ຕື່ມອີກນັ້ນແມ່ນໂຄງການ “ໜໍ່ແນວຂຽວໂມງເພື່ອໂລກຂຽວ“ ແລະ ໂຄງການ “ຂ້ອຍຮັກຫວຽດນາມ ຂຽວ“… ນອກນັ້ນ, ບັນດາໂຄງການທີ່ບັນລຸປະສິດທິຜົນຂອງຊຸມປີກ່ອນຍັງຄົງຈັດຕັ້ງຢູ່… ໃນເວລາພຽງ 3 ຊົ່ວໂມງຂອງຕອນເຊົ້າວັນທີ 14/3, ໄດ້ມີນັກອາສາສະໝັກ 3000 ເທື່ອຄົນຈົດທະບຽນເຂົ້າຮ່ວມການເຄື່ອນໄຫວນີ້. ພາຍຫຼັງພິທີປຸກລະດົມ, ໂຄງການ “ການເຄື່ອນເໜັງຂຽວ“ ຖີບລົດໂຄສະນາເລີ່ມດຳເນີນ ດ້ວຍການເຂົ້າຮ່ວມຂອງ ທູດ 2 ຄົນຂອງລາຍການ ແລະ ນັກອາສາສະໝັກກວ່າ 1 ພັນຄົນ. ອ້າຍ ຟຸ່ງທ໋າຍກວາງ, ຫົວໜ້າຄະນະຊາວໜຸ່ມ - ກຳມະການຂອງຄະນະຊາວໜຸ່ມນະຄອນໂຮ່ຈີມິນ, ສະມາຊິກຄະນະຈັດຕັ້ງ “ໂມງເພື່ອໂລກຂຽວ 2015“, ໃຫ້ຮູ້ວ່າ:
“ຄວາມປາຖະໜາຂອງຄະນະຈັດຕັ້ງລາຍການ “ໂມງເພື່ອໂລກຂຽວ 2015“ ນັ້ນແມ່ນ, ພວກເຮົາຕ້ອງມີການກະທຳລະອຽດຄື: ເຂົ້າຮ່ວມການປະຢັດພະລັງງານ, ຮັບມືກັບການປ່ຽນແປງຂອງດິນຟ້າອາກາດ, ຈາກນັ້ນປະກອບສ່ວນຢ່າງຕັ້ງໜ້າເຂົ້າໃນການຮັກສາສະພາບແວດລ້ອມແຫ່ງການດຳລົງຊີວິດໃຫ້ປອດໂປ່ງ ແລະ ມີຄວາມສຸກຢ່າງແທ້ຈິງ“.