ພາບປະກອບ
(vovworld) – ວັນທີ 15/6, ທ່ານ ເຈີ່ນຫວີງຕ໋ວຽນ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ຕ້ອນຮັບຄະນະຜູ້ແທນຂັ້ນສູງ Romania ໂດຍທ່ານ Vlad Vasiliu, ລັດຖະມົນຕີກະຊວງເສດຖະກິດ, ການຄ້າ ແລະ ສິ່ງແວດລ້ອມ ດຳເນີນທຸລະກິດ Romania, ນຳໜ້າພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ີການຕ້ອນຮັບ, ທ່ານ ເຈີ່ນຫວີງຕ໋ວຽນ ຖືວ່າ: ຄະນະຜູ້ແທນ Romania ມາ ຫວຽດນາມ ຄັ້ງນີ້ມີຫຼາຍວິສາຫະກິດແຖວໜ້າໃນຂົງເຂດໂທລະຄົມ, ໄຟຟ້າ - ເອເລັກໂຕນິກ, ພະລັງງານ… ເຊິ່ງແມ່ນບັນດາຂົງເຂດທີ່ນະຄອນ ໂຮ່ຈີມິນ ພວມຮຽກຮ້ອງການລົງທຶນ. ດັ່ງນັ້ນ, ນີ້ແມ່ນກາລະໂອກາດເພື່ອໃຫ້ 2 ຝ່າຍຊອກຮູ້, ສົ່ງເສີມການຮ່ວມມື. ນະຄອນຈະສ້າງເງື່ອນໄຂໃຫ້ບັນດາວິສາຫະກິດຕ່າງປະເທດ, ໃນນັ້ນມີ Romania ລົງທຶນ, ດຳເນີນທຸລະກິດຢູ່ນະຄອນ. ສ່ວນທ່ານ Vlad Vasiliu ໃຫ້ຮູ້ວ່າ: Romania ປາດຖະໜາຢາກເພີ່ມທະວີ, ຊຸກຍູ້ການຮ່ວມມືກັບ ຫວຽດນາມ, ພິເສດແມ່ນການພົວພັນຮ່ວມມືລະຫວ່າງບັນດາທ້ອງຖິ່ນຂອງ 2 ປະເທດ. ໃນນັ້ນ, Romania ຕີລາຄາສູງການພັດທະນາກໍ່ຄືບົດບາດຂອງນະຄອນ ໂຮ່ຈີມິນ ໃນການພົວພັນລະຫວ່າງ 2 ປະເທດ. ປະຈຸບັນ, ວິສາຫະກິດ Romania ຫຼາຍແຫ່ງປາດຖະໜາຢາກຊຸກຍູ້ການຮ່ວມມືລົງທືນຢູ່ ຫວຽດນາມ ເວົ້າລວມ ແລະ ນະຄອນ ໂຮ່ຈີມິນ ເວົ້າສະເພາະ, ພິເສດແມ່ນໃນຂົງເຂດພັດທະນາພື້ນຖານໂຄງລ່າງຄົມມະນາຄົມ ແລະ ຕົວເມືອງ.