(vovworld) - ຕອນບ່າຍວັນທີ 7/9, ທີ່ການຕ້ອນຮັບທ່ານລັດຖະມົນຕີການຕ່າງປະເທດ ການາດາ Stephane Dion ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມນັ້ນ, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ສະແດງຄວາມປາຖະໜາວ່າ, ລັດຖະບານ ການາດາ ຈະເອົາໃຈໃສ່ສ້າງເງື່ອນໄຂພັດທະນາການພົວພັນຮ່ວມມືລະຫວ່າງລັດຖະບານ ການາດາ ແລະ ທ້ອງຖີ່ນຕ່າງໆຂອງ ການາດາ ກັບນະຄອນ ໂຮ່ຈີມິນ ໃນຂົງເຂດທີ່ ການາດາ ມີທ່າແຮງເຊັ່ນ: ການລົງທຶນດ້ານເສດຖະກິດ, ການກໍ່ສ້າງພື້ນຖານໂຄງລ່າງ, ການສຶກສາມະຫາວິທະຍາໄລ, ການພັດທະນາເຕັກໂນໂລຢີສະອາດ… ສ່ວນທ່ານລັດຖະມົນຕີການຕ່າງປະເທດ ການາດາ Stephane Dion ກໍ່ຢືນຢັນພ້ອມແລ້ວທີ່ຈະຮ່ວມມືກັບນະຄອນ ໂຮ່ຈີມິນ ແລະ ຖືລາຍການຮ່ວມມືກັບນະຄອນ ໂຮ່ຈີມິນ ແມ່ນຈຸດສຸມໃນແຜນການສ້າງລາຍການພົວພັນຮ່ວມມືລະຫວ່າງສອງປະເທດໃນອະນາຄົດ. ທີ່ການເຮັດວຽກ, ສອງຝ່າຍກໍ່ຖືວ່າ, ສາຍພົວພັນລະຫວ່າງສອງປະເທດບໍ່ທັນສົມກັບຄວາມສາມາດບົ່ມຊ້ອນພັດທະນການພົວພັນຮ່ວມມືລະຫວ່າງສອງລັດຖະບານ ແລະ ລະຫວ່າງທ້ອງຖີ່ນຕ່າງໆຂອງສອງປະເທດເທື່ອ. ໃນໄລຍະຈະມາເຖິງ, ຫວຽດນາມ ເວົ້າລວມ ແລະ ນະຄອນ ໂຮ່ຈີມິນ ເວົ້າສະເພາະ ກໍ່ຄື ການາດາ ຄວນສ້າງບັນດາຂົງເຂດຈຸດສຸມໃຫ້ແກ່ການເຄື່ອນໄຫວຮ່ວມມືລະຫວ່າງສອງຝ່າຍ, ຜ່ານນັ້ນປະກອບສ່ວນເຮັດໃຫ້ການພົວພັນນັບມື້ນັບແທດຈິງ, ເພື່ອຜົນປະໂຫຍດຂອງປະຊາຊົນສອງປະເທດ.