ນະຄອນໂຮ່ຈີມິນພົບປະສັງສັນຕົ້ນລະດູບານໃໝ່ປີລະກາກັບພໍ່ແມ່ປະຊາຊົນອາໄສຢູ່ຕ່າງປະເທດ
ນະຄອນໂຮ່ຈີມິນ (ພາບປະກອບ)
(vovworld) – ວັນທີ 08/02 ຄະນະກຳມະການແນວໂຮມປະເທດຊາດນະຄອນ ໂຮ່ຈີມິນ ແລະ ສະມາຄົມຕິດຕໍ່ພົວພັນຊາວ ຫວຽດນາມ ອາໄສຢູ່ຕ່າງປະເທດນະຄອນຈັດຕັ້ງການພົບປະສັງສັນຕົ້ນລະດູບານໃໝ່ ກັບພໍ່ແມ່ປະຊາຊົນ ແລະ ຍາດຕິພີນ້ອງພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ. ສະມາຄົມຕິດຕໍ່ພົວພັນກັບຊາວ ຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ໄດ້ຮັບການສ້າງຕັ້ງໃນ10 ປີຜ່ານມາ ໄດ້ກາຍເປັນສະຖານທີ່ໄວ້ເນື້ອເຊື່ອໃຈໃຫ້ພໍ່ແມ່ປະຊາຊົນເມື່ອກັບເມືອຢ້ຽມຢາມບ້ານເກີດເມືອງນອນ. ພິເສດ, ເລື່ອງສ້າງຕັ້ງສູນໜູນຊ່ວຍພໍ່ແມ່ປະຊາຊົນອາໄສຢູ່ຕ່າງປະເທດ ໄດ້ເປັນຂົວຕໍ່ຊ່ວຍໃຫ້ພໍ່ແມ່ປະຊາຊົນດຳເນີນບັນດາລະບຽບການຢ່າງວ່ອງໄວຄື: ຊື້ເຮືອນ, ຈົດທະບຽບການດຳເນີນທຸລະກິດ, ອາໄສ, ຕໍ່ວິຊາເຂົ້າອອກເມືອງ…ທ່ານນາງ ຫງວຽນທິມີງເຟືອງ ຮອງປະທານທັງເລຂາທິການໃຫຍ່ສະມາຄົມຕິດຕໍ່ພົວພັນກັບຊາວ ຫວຽດນາມ ອາໄສຢູ່ຕ່າງປະເທດນະຄອນ ໂຮ່ຈີມິນ ໃຫ້ຮູ້ວ່າ:
“ກ່ຽວກັບບັນຫາກົດໝາຍ, ນະໂຍບາຍ ພວກຂ້າພະເຈົ້າມີພາກສ່ວນໃຫ້ຄຳປຶກສາກ່ຽວກັບບັນດາກົດໝາຍທີ່ກ່ຽວຂ້ອງເຖິງພໍ່ແມ່ປະຊາຊົນອາໄສຢູ່ຕ່າງປະເທດ. ຖ້າຫາກ ພໍ່ແມ່ປະຊາຊົນຢາກກັບເມືອປະເທດດຳລົງຊີວິດ ຫຼື ດຳເນີນທຸລະກິດ ທີ່ພວກຂ້າພະເຈົ້າກໍ່ມີບັນດາການເຄື່ອນໄຫວຊ່ວຍເຫຼືອພໍ່ແມ່ປະຊາຊົນ.”
ປະຈຸບັນປະຊາຄົມຊາວ ຫວຽດນາມ ອາໄສຢູ່ຕ່າງປະເທດມີກ່ວາ 4,5 ລ້ານຄົນພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ 103 ປະເທດ ແລະ ເຂດແຄ້ວນ.