ນະຄອນໂຮ່ຈິມິນມອບນາມມະຍົດໃຫ້ແມ່ຫວຽດນາມວິລະຊົນກ່ວາ320ຄົນ
ພິທີມອບນາມມະຍົດແມ່ຫວຽດນາມວິລະຊົນ
(ພາບ: Hoàng Hải/TTXVN)
(vovworld) – ກ່າວຄຳເຫັນທີ່ພິທີ ເຊິ່ງດຳເນີນໃນວັນທີ 21/4, ທ່ານ ເລແທງຫາຍ, ເລຂາຄະນະພັກນະຄອນໂຮ່ຈິມິນ, ສະແດງຄວາມຮູ້ບຸນຄຸນຢ່າງຈິງໃຈຕໍ່ບັນດາແມ່ຫວຽດນາມ ວິລະຊົນ ແລະ ຄອບຄົວຜູ້ທີ່ມີຄຸນງາມຄວາມດີໄດ້ຮັບ ນາມມະຍົດທີ່ສູງສົ່ງຈາກພັກ, ລັດ. ເລື່ອງມອບນາມມະຍົດ “ແມ່ຫວຽດນາມວິລະຊົນ” ສະແດງໃຫ້ເຫັນແຜນນະໂຍບາຍຂອງພັກ, ຈິດໃຈຂອງປະຊາຊົນ ແມ່ນການຮັບຮູ້ຂອງປະເທດຊາດຕໍ່ບຸນຄຸນອັນໃຫຍ່ຫຼວງ, ການເສຍສະຫຼະຊີວິດອັນສູງສົ່ງຂອງບັນດາແມ່. ທ່ານ ເລແທງຫາຍ ເນັ້ນໜັກວ່າ: ການອຸທິດສ່ວນຂອງບັນດານັກຮົບວິລະຊົນເສຍສະຫຼະຊີວິດເພື່ອຊາດ, ບັນດາແມ່ຫວຽດນາມວິລະຊົນ, ບັນດາຄອບຄົວທີ່ມີຄຸນງາມຄວາມດີ ແມ່ນການເສຍສະຫຼະຊີວິດອັນສູງສົ່ງ, ເປັນແບບຢ່າງທີ່ດີ່ເດັ່ນໃຫ້ຄົນລຸ່ນຫຼັງຮຳ່ຮຽນ, ປະຕິບັດຕາມ, ພ້ອມກັນສູ້ຊົນ ເພື່ອກໍ່ສ້າງປະເທດຊາດໃຫ້ນັບມື້ນັບຮັ່ງມີ ແລະ ເຂັ້ມແຂງ.