ນະຄອນໂຮ່ຈີມິນມານະພະຍາຍາມປະຕິບັດສຳເລັດໜ້າທີ່ພັດທະນາເສດຖະກິດ-ສັງຄົມ
ທ່ານ ດິງເທ໋ຮີງ, ຫົວໜ້າຄະນະໂຄສະນາສຶກສາສູນກາງ
(ພາບປະກອບ)
(vovworld) - ເພື່ອຮັບໃຊ້ໃຫ້ແກ່ການກໍ່ສ້າງ, ປັບປຸງຮ່າງບົດລາຍການການເມືອງຍື່ນສະເໜີຕໍ່ກອງປະຊຸມໃຫຍ່ ຄັ້ງທີ 12 ຂອງພັກກອມມູນິດ ຫວຽດນາມ, ວັນທີ 8/11, ຄະນະປະຕິບັດງານຂອງອະນຸກຳມະການເອກະສານກອງປະຊຸມໃຫຍ່ຄັ້ງທີ 12 ຂອງພັກ ໂດຍທ່ານ ດິງເທ໋ຮີງ, ຫົວໜ້າຄະນະໂຄສະນາສຶກສາສູນກາງ, ຮອງຫົວໜ້າອະນຸກຳມະການປະຈຳການອະນຸກຳມະການເອກະສານ, ນຳໜ້າມີການເຮັດວຽກກັບຄະນະປະຈຳຄະນະພັກນະຄອນ ໂຮ່ຈີມິນ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດ - ສັງຄົມ, ວັດທະນະທຳ, ປ້ອງກັນຊາດ, ປ້ອງກັນຄວາມສະຫງົບ ແລະ ວຽກງານກໍ່ສ້າງພັກ, ກໍ່ສ້າງລະບົບການເມືອງຂອງອົງຄະນະພັກນະຄອນໃນອາຍຸການ 2010 – 2015. ກ່າວຄຳເຫັນນະທີ່ນີ້, ທ່ານດິງເທ໋ຮີງ ສະເໜີໃຫ້ຄະນະພັກນະຄອນ ໂຮ່ຈີມິນ ສຸມໃສ່ຊີ້ນຳນຳພາການປະຕິບັດໜ້າທີ່ພັດທະນາເສດຖະກິດ - ສັງຄົມໃນຊຸກປີຍັງເຫຼືອຂອງອາຍຸການໃຫ້ສຳເລັດຜົນ, ປະຕິບັດບັນດາຈຸດໝາຍ, ໜ້າທີ່ເຊິ່ງກອງປະຊຸມໃຫຍ່ອົງຄະນະພັກນະຄອນຄັ້ງທີ 9 ໄດ້ວາງອອກກໍ່ຄືເສີມຂະຫຍາຍບົດບາດນຳໜ້າຂອງສູນເສດຖະກິດ, ວັດທະນະທຳ, ວິທະຍາສາດ - ເຕັກໂນໂລຢີ ອັນດັບໜຶ່ງທີ່ມີກຳລັງແຜ່ຂະຫຍາຍຢ່າງກ້ວາງຂວາງຂອງທົ່ວປະເທດ, ປະກອບສ່ວນປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກຢ່າງມີໄຊ. ພ້ອມທັງຕັ້ງໜ້າກະກຽມ, ຈັດຕັ້ງກອງປະຊຸມໃຫຍ່ຄະນະພັກທຸກຂັ້ນໃຫ້ສຳເລັດ, ມຸ່ງໄປເຖິງກອງປະຊຸມໃຫຍ່ຄະນະພັກນະຄອນຄັ້ງທີ 10 ແລະ ກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ.