(ພາບ:xa luan.com)
(vovworld)- ໃນຄວາມມານະພະຍາຍາມຟື້ນຟູຄວາມໄວ້ເນື້ອເຊື່ອໃຈ ພາຍຫຼັງທີ່ປອກຕູການ ຕົກເຂົ້າສູ່ສະພາບເກີດວິກິດການການເມືອງ ຍ້ອນຄວາມບໍ່ລົງລອຍກັນອັນເລິກເຊິ່ງກ່ຽວກັບນະໂຍບາຍຮັດເຂັມຄັດຂອງລັດຖະບານ, ວັນທີ 22/7, ທ່ານນາຍົກລັດຖະມົນຕີປອກຕູການ Perdo Passos Ceolho ໃຫ້ຄຳໝັ້ນສັນຍາຈະສືບຕໍ່ປະຕິບັດການປະຕິຮູບເພື່ອຕອບສະໜອງຄວາມຮຽກຮ້ອງຕ້ອງການຂອງບັນດາເຈົ້າໜີ້ສາກົນ. ກ່າວຄຳເຫັນຕໍ່ວົງການນັກຂ່າວທີ່ນະຄອນຫຼວງ ລີຊບອນ, ທ່ານນາຍົກ ລັດຖະມົນຕີປອກຕູການ Perdo Passos Ceolho ເນັ້ນໜັກວ່າ: ຄວາມໄວ້ເນື້ອເຊື່ອໃຈຂອງ ປຊຊ ຕໍ່ລັດຖະບານໃນຕະຫຼອດ 2 ປີຜ່ານມາໄດ້ເລີ່ມຫລຸດລົງໜ້ອຍໜຶ່ງແລ້ວ ແຕ່ທ່ານໄດ້ໃຫ້ຄຳໝັນສັນຍາວ່າຈະມານະພະຍາຍາມເພື່ອຟື້ນຟູຄວາມໄວ້ເນື້ອເຊື່ອໃຈນີ້ຄືນໃໝ່ ດ້ວຍວິທີປັດເຂ່ຍບັນດາຄວາມລະແວງສົງໃສກ່ຽວກັບຄວາມຕັດສິນໃຈຂອງລັດຖະບານໃນການປະຕິບັດໂຄງການໜູນຊ່ວຍຈົນສຸດຄວາມສະມາດ. ທ່ານນາຍົກລັດຖະມົນຕີປອກຕູການ Perdo Passos Ceolho ຍັງເນັ້ນໜັກວ່າ: ນະໂຍບາຍຮັດເຂັມຄັດຂອງລັດຖະບານແມ່ນມີຄວາມຈຳເປັນທີ່ສຸດໃນສະພາບຫຍຸ້ງຍາກປະຈຸບັນຂອງປອກຕູການ, ສະນັ້ນ ຕ້ອງສືບຕໍ່ຍູ້ແຮງການປະຕິຮູບ.