ນາຍົກລັດຖະມົນຕີ ລົງກວດກາວຽກງານພາສີຢູ່ສະໜາມບິນສາກົນເຕີນເຊີນເຍິດ
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກລົງກວດກາວຽກງານຢູ່ພະແນກພາສີດ່ານສາກົນ ສະໜາມບິນເຕີນເຊີນເຍິດ |
(vovworld) – ຕອນບ່າຍວັນທີ 27/1, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໄດ້ລົງໄປອວຍພອນປີໃໝ່ ແລະ ກວດກາວຽກງານຢູ່ພະແນກພາສີດ່ານສາກົນ ສະໜາມບິນເຕີນເຊີນເຍິດ-ກົມພາສີນະຄອນໂຮ່ຈິມິນ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເນັ້ນໜັກວ່າ ໃນຊຸມວັນບຸນເຕັດ, ຈຳນວນຜູ້ໂດຍສານໃນບໍລິເວນສະໜາມບິນແມ່ນຫຼວງຫຼາຍ, ອັນໄດ້ວາງອອກໜ້າທີ່ອັນໜັກໜ່ວງທີ່ສຸດສຳລັບກຳລັງພະນັກງານ, ເຈົ້າໜ້າທີ່ພາສີ. ພະນັກງານ, ເຈົ້າໜ້າທີ່ພາສີຕ້ອງຮັບປະກັນໃຫ້ຊາວຫວຽດນາມທັງຢູ່ພາຍໃນ ແລະ ອາໄສຢູ່ຕ່າງປະເທດມາຕ້ອນຮັບບຸນເຕັດຢູ່ບ້ານເກີດເມືອງນອນຢ່າງສະດວກສະບາຍ. ສູ້ຊົນສ້າງເຄື່ອງໝາຍພາສີດ່ານສາກົນ ສະໜາມບິນເຕີນເຊີນເຍິດ ກາຍເປັນຫົວໜ່ວຍພາສີນຳໜ້າທົ່ວປະເທດໃນວຽກງານຮັບປະກັນຄວາມປອດໄພໃນການເຄື່ອນໄຫວພາສີ.