ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໃນກອງປະຊຸມສຸດຍອດກຸ່ມ G 7 ເປີດກ້ວາງ |
(vovworld)- ຕອນເຊົ້າວັນທີ 27/5, ຢູ່ແຂວງ Mie, ປະເທດຍີປຸ່ນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເຂົ້າຮ່ວມ ແລະ ມີບົດກ່າວປາໄສທີ່ວາລະປະຊຸມຄັ້ງທີ 1 ໃນຂອບເຂດກອງປະຊຸມສຸດຍອດກຸ່ມ G 7 ເປີດກ້ວາງ. ຂຶ້ນຕົ້ນບົດປາໄສ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຊົມເຊີຍບັນຫົວເລື່ອງບຸລິມະສິດໃນໂຄງການດຳເນີນງານຂອງກອງປະຊຸມ, ທ່ານເນັ້ນໜັກວ່າ ນີ້ແມ່ນບັນດາບັນຫາສຳຄັນ ແລະ ຮີບດ່ວນສຳລັບສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຂອງພາກພື້ນອາຊີ-ປາຊີຟິກເວົ້າສະເພາະ ແລະ ໃນໂລກເວົ້າລວມ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໃຫ້ຮູ້ວ່າ ການພັດທະນາແບບຍືນຍົງບົນພື້ນຖານການເຊື່ອມໂຍງເຂົ້າກັບພາກພື້ນ ແລະ ສາກົນຢ່າງມີປະສິດທິຜົນແມ່ນກຳນົດທິດຍຸດທະສາດພັດທະນາຂອງຫວຽດນາມ, ໃນນັ້ນພື້ນຖານໂຄງລ່າງແມ່ນໜຶ່ງໃນ 3ບາດກ້າວບຸກທະລຸຂອງແຜນການພັດທະນາເສດຖະກິດ-ສັງຄົມໃນໄລຍະທີ່ຈະມາເຖິງ. ຫວຽດນາມຕີລາຄາສູງຂໍ້ລິເລີ່ມຂອງຍີປຸ່ນກ່ຽວກັບຄູ່ຮ່ວມມືດ້ານພື້ນຖານໂຄງລ່າງຄຸນນະພາບສູງຢູ່ອາຊີ ແລະ ຂໍ້ລິເລີ່ມເຊື່ອມຈອດແມ່ຂອງ-ຍີປຸ່ນ; ຊົມເຊີຍການໜູຊ່ວຍຂອງກຸ່ມປະເທດ G7….
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຍັງຊົມເຊີຍບັນດາຂໍ້ລິເລີ່ມໃໝ່ຂອງຍີປຸ່ນໃນບັນດາຂົງເຂດສຳຄັນຄື ຮັບປະກັນສັນຕິພາບ, ສະຖຽນລະພາບ ແລະ ການພັດທະນາຢູ່ຕາເວັນອອກກາງ, ເບິ່ງແຍງສຸຂະພາບ, ຄວາມສະເໝີພາບລະຫວ່າງຍິງ-ຊາຍ ກໍຄືຄວາມມານະພະຍາຍາມຂອງຍີປຸ່ນໃນການໜູນຊ່ວຍອາຟະລິກາ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຍັງຢືນຢັນວ່າ ໂລກ ແລະ ພາກພື້ນພວມຢືນຢູ່ຕໍ່ໜ້າບັນດາສິ່ງທ້າທາຍທີ່ນັບມື້ນຮັບໃຫຍ່ຫຼວງສຳລັບສັນຕິພາບ, ຄວາມໝັ້ນຄົງ, ກ່ອນອື່ນໝົດແມ່ນຄວາມໝັ້ນຄົງ, ປອດໄພ ແລະ ສິດເສລີໃນການເດີນເຮືອ, ການບິນຢູ່ທະເລຕາເວັນອອກ. ບັນດາການກະທຳພຽງລຳພັງຝ່າຍດຽວ ຂັດກັບກົດໝາຍສາກົນ ແລະ ຂໍ້ຕົກລົງໃນພາກພື້ນ, ເພີ່ມທະວີການເຄື່ອນໄຫວທາງທະຫານພວມເປັນໄພນາບຂູ່ຕໍ່ສັນຕິພາບ ແລະ ສະຖຽນລະພາບໃນພາກພື້ນ. ສະພາບການນີ້ ຮຽກຮ້ອງໃຫ້ບັນດາປະເທດທີ່ກ່ຽວຂ້ອງຄວນລະງັບໃຈ, ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີສັນທິສັນຍາກ່ຽວກັບກົດໝາຍວ່າດ້ວຍທະເລປີ 1982, ປະຕິບັດຕາມຖະແຫຼງການ DOC, ກ້າວໄປເຖິງການສ້າງປະມວນຂໍ້ກຳນົດ COC . ຫວຽດນາມຊົມເຊີຍບັນດາປະເທດກຸ່ມ G7 ທີ່ໄດ້ມີສຽງເວົ້າຢ່າງແຂງແຮງ ສະໜັບສະໜູນບັນດາຄວາມມານະພະຍາຍາມ ຄວາມໝັ້ນຄົງ, ປອດໄພ ແລະ ສິດເສລີໃນການເດີນເຮືອ, ການບິນ, ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ສອດຄ່ອງກັບກົດໝາຍສາກົນ ແລະ ຫວັງວ່າ ບັນດາປະເທດກຸ່ມ G7 ແລະ ປະຊາຄົມໂລກສືບຕໍ່ປະກອບສ່ວນປັບປຸງສະພາບແວດລ້ອມແຫ່ງສັນຕິພາບ ແລະ ສະຖຽນລະພາບຢູ່ອາຊີ-ປາຊີຟິກ ແລະ ໃນໂລກ.