(vovworld) - ວັນທີ 06/06/2013, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ຈະນຳໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມເວທີປາໄສເສດຖະກິດໂລກກ່ຽວກັບອາຊີຕາເວັນ ອອກປີ 2013 ເຊິ່ງຈະຈັດຂຶ້ນຢູ່ Nay Pyi Taw, ມຽນມາ. ການຢ້ຽມຢາມແມ່ນເພື່ອຕອບສະໜອງຕາມຄຳເຊີນຂອງທ່ານປະທານາທິບໍດີສ.ສະຫະພັນມຽນມາ Thein Sein ແລະ ທ່ານປະທານເວທີປາໄສເສດຖະກິດໂລກ (WEF) Klaus Chwab. ຄາດວ່າຈະມີຜູ້ແທນ 450 ທ່ານ, ເຊິ່ງແມ່ນແຊກຖືກເຊີນ, ການນຳບັນດາກຸ່ມບໍລິສັດເສດຖະກິດໃຫຍ່, ບັນດາອົງການສາກົນ, ອົງການສັງຄົມພາຍໃນ ແລະ ຕ່າງປະເທດເຂົ້າຮ່ວມກອງປະຊຸມ, ໃນນັ້ນມີທ່ານນາຍົກລັດຖະມົນຕີ ຫງວຽນເຕີນຢຸງ, ປະທານາທິບໍດີມຽນມາ, ປະທານາທິບໍດີຝີລິບປີນ, ນາຍົກລັດຖະມົນຕີລາວ, ກຳປູເຈຍ... ໃນບົດກ່າວປາໄສທີ່ WEF ອາຊີຕາເວັນອອກປີ 2012 ຢູ່ໄທ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ: ຫວຽດນາມ ສືບຕໍ່ສົມທົບກັບບັນດາປະເທດໃນພາກພື້ນ ຊຸກຍູ້ບັນດາຂໍ້ລິເລີ່ມ, ຂອບເຂດຮ່ວມມືມຸ່ງໄປເຖິງຈຸດໝາຍປັບປຸງຄວາມສະຫງົບ - ສັນຕິພາບໃນພາກພື້ນ; ຍົກສູງປະສິດທິຜົນແຫ່ງການເຂົ້າຮ່ວມບັນດາຂອບເຂດ, ກົນໄກຮ່ວມມືພາກພື້ນອາຊີຕາເວັນອອກ ກໍຄືເຂົ້າຮ່ວມບັນດາການເຄື່ອນໄຫວເຈລະຈາ, ປຶກສາດ້ານນະໂຍບາຍ, ເປັນເຈົ້າການສະເໜີ ແລະ ເຂົ້າຮ່ວມບັນດາຂໍ້ລິເລີ່ມເພື່ອແນໃສ່ປະກອບສ່ວນຍົກສູງຄຸນນະພາ ບການເຄື່ອນໄຫວຂອງເວທີປາໄສເສດຖະກິດໂລກ ຢ່າງຕັ້ງໜ້າ. ບົນຈິດໃຈດັ່ງກ່າວ, ທ່ານນາຍົກລັດຖະມົນຕີ ຫງວຽນເຕີນຢຸງ ຈະມີບົດກ່າວປາໄສທີ່ວາລະໄຂກອງປະຊຸມຮອບດ້ານ WEF ອາຊີຕາເວັນອອກປີ 2013 ຊຶ່ງສຸມໃສ່ບັນດາບັນຫາທີ່ພວມເກີດຂຶ້ນໃນວິວັດການເຊື່ອມໂຍງ ຂອງພາກພື້ນ.
ການມີໜ້າຂອງທ່ານນາຍົກລັດຖະມົນຕີ ຫງວຽນເຕີນຢຸງ ທີ່ ກອງປະຊຸມ WEF ອາຊີຕາເວັນອອກປີ 2013 ເຊິ່ງດຳເນີນໄປຢູ່ມຽນມາ ອີກຄັ້ງໜຶ່ງຢືນຢັນແຜນນະໂຍບາຍເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຂອງຫວຽດນາມ; ຍົກສູງບົດບາດ, ທີ່ຕັ້ງ ແລະ ພາບພົດຂອງຫວຽດນາມ ໃນພາກພື້ນ ຜ່ານບັນດາການແປ່ງປັນຂອງທ່ານນາຍົກລັດຖະມົນຕີຫວຽດນາມ ກ່ຽວກັບບົດຮຽນຂອງຫວຽດນາມ ໃນການພັດທະນາເສດຖະກິດສັງຄົມ, ຮັບປະກັນເສດຖະກິດມະຫາພາກເປັນປົກກະຕິ, ສ້າງໂຄງປະກອບເສດຖະກິດຄືນໃໝ່, ດຶງດູດການລົງທຶນຈາກຕ່າງປະເທດ... ການເຄື່ອນໄຫວຂອງທ່ານນາຍົກລັດຖະມົນຕີ ຫງວຽນເຕີນຢຸງ ທີ່ກອງປະຊຸມ WEF ອາຊີຕາເວັນອອກປີ 2013 ຈະຊຸກຍູ້ການພົວພັນຮ່ວມມືລະຫວ່າງຫວຽດນາມ ກັບ WEF, ພ້ອມທັງປະກອບສ່ວນຮັດແໜ້ນການພົວພັນມິດຕະພາບທີ່ເປັນມູນເຊື້ອ ແລະ ຍູ້ແຮງການຮ່ວມມື 2 ຝ່າຍໃນບັນດາຂົງເຂດທີ່ມີຄວາມສາມາດບົມຊ້ອນກັບມຽນມາ.