ນາຍົກລັດຖະມົນຕີ ຫງວຽນເຕີນຢູງ ຕ້ອນຮັບ ອະດີດນາຍົກລັດຖະມົນຕີອັງກິດ ແລະ ອາຍແລນ ເໜືອ
ທ່ານອະດີດນາຍົກລັດຖະມົນຕີ ລາຊະອານາຈັກ ອັງກິດ ແລະ ອາຍແລນເໜືອ Tony Blair
(ພາບປະກອບ)
(vovworld) – ຕອນບ່າຍວັນທີ 18/3, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໃຫ້ການຕ້ອນຮັບ ທ່ານອະດີດນາຍົກລັດຖະມົນຕີ ລາຊະອານາຈັກ ອັງກິດ ແລະ ອາຍແລນເໜືອ Tony Blair ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູງ ຖືວ່າ: ບັນດາຜົນງານຕັ້ງໜ້າທີ່ບັນລຸໄດ້ໃນການພົວພັນຄູ່ຮ່ວມມືຍຸດທະສາດ ຫວຽດນາມ - ອັງກິດ ໃນໄລຍະຜ່ານມາ ໄດ້ນຳມາເຊິ່ງຜົນປະໂຫຍດຢ່າງແທດຈິງ ໃຫ້ແກ່ການພົວພັນລວມຂອງທັງ 2 ປະເທດ. ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ: ຍາມໃດ ຫວຽດນາມ ກໍ່ຖືການຮ່ວມມືຫຼາຍດ້ານກັບ ອັງກິດ ແລະ ອີຢູ ເປັນສຳຄັນ, ຫວັງວ່າດ້ວຍອິດທິພົນຊື່ສຽງຂອງຕົນ, ທ່ານ Tony Blair ຈະສືບຕໍ່ສະໜັບສະໜູນ ແລະ ມີການປະກອບສ່ວນຢ່າງແທດຈິງ ເຂົ້າໃນການຊຸກຍູ້ການພົວພັນຮ່ວມມືໃນຂົງເຂດຕ່າງໆລະຫວ່າງ ຫວຽດນາມ ກັບ ອັງກິດ ແລະ ກັບ ສະຫະພາບ ເອີລົບ (ຫຼື ອີຢູ).
ທ່ານ Tony Blair ຢືນຢັນວ່າ: ຈະສືບຕໍ່ມານະພະຍາຍາມຈົນສຸດຄວາມສາມາດຂອງຕົນປະກອບສ່ວນເຂົ້າໃນການພັດທະນາການພົວພັນຮ່ວມມືລະຫວ່າງ ຫວຽດນາມ ກັບ ອັງກິດ ເວົ້າສະເພາະ ແລະ ກັບສະຫະພາບ ເອີລົບ (ຫຼື ອີຢູ) ເວົ້າລວມ ໃນທຸກຂົງເຂດພິເສດແມ່ນໃນການຮ່ວມມືດ້ານເສດຖະກິດ, ການຮ່ວມມືພາກລັດ - ເອກະຊົນ (ຫຼື PPP).