ນາຍົກລັດຖະມົນຕີ ຫງວຽນເຕີ້ນຢຸງຕ້ອນຮັບບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດ
|
(vovworld)- ກ່າວຄຳເຫັນທີ່ການຕ້ອນຮັບບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດຊຶ່ງຫາກໍໄດ້ຮັບການແຕ່ງຕັ້ງ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ການຕ້ອນຮັບບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດຕ້ອງເສີມຂະຫຍາຍມູນເຊື້ອການທູດທີ່ດີງາມ, ມານະພະຍາຍາມເຮັດຫຼ້ອນໜ້າທີ່ວຽກງານຂອງຕົນ. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງສະເໜີ ບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດກຳແໜ້ນແນວທາງນະໂຍບາຍ, ແຜນນະໂຍບາຍຂອງພັກ ແລະ ລັດ, ຕ້ອງຖືຜົນປະໂຫຍດຂອງປະເທດຊາດເປັນສຳຄັນກວ່າສິ່ງໃດໝົດ, ສິ່ງໃດທີ່ນຳມາເຊິ່ງ ຜົນປະໂຫຍດມາໃຫ້ປະເທດຊາດ ແມ່ນຕ້ອງເຮັດຈົນສຸດຄວາມສາມາດຂອງຕົນ. ກ່ອນອື່ນໝົດ, ບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດຕ້ອງຖືເປັນສຳຄັນພິເສດການພົວພັນດ້ານການເມືອງກັບຕ່າງປະເທດ, ເພີ່ມທະວີຄວາມໄວ້ເນື້ອເຊື່ອໃຈດ້ານເມືອງກັບປະເທດເຫຼົາ່ນັ້ນ, ເປັນຕົ້ນແມ່ນບັນດາອົງການການທູດ, ວົງການນັກການເມືອງ, ບັນດາອົງການສຳນັກງານທີ່ກ່ຽວຂ້ອງ.
ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຍັງຕັກເຕືອນບັນດາເອກອັກຄະລັດຖະທູດ, ຫົວໜ້າສຳນັກງານຜູ້ຕາງໜ້າຫວຽດນາມປະຈຳຕ່າງປະເທດຈົ່ງຊຸກຍູ້ການຮ່ວມມືລະຫວ່າງຫວຽດນາມກັບຕ່າງປະເທດ, ບັນດາອົງການໃນຂົງເຂດວັດທະນະທຳ, ການສຶກສາ-ກໍ່ສ້າງ, ວິທະຍາສາດ-ເຕັກໂນໂລຢີ, ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ.......