(vovworld) - ຕອນເຊົ້າວັນທີ 26/1, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ໄດ້ລົງຢ້ຽມຢາມ ແລະ ກວດກາວຽກງານຝຶກແອບ, ການກຽມພ້ອມສູ້ຮົບຢູ່ ກອງພັນໃຫຍ່ກອງທັບອາກາດ 923, ກອງພົນ 371, ເຫຼົ່າທັບປ້ອງກັນອາກາດ - ກອງທັບອາກາດຢູ່ເມືອງ ທໍ້ຊວນ, ແຂວງແທງຮວາ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູງ ປາດຖະໜາວ່າ: ກອງພັນໃຫຍ່ກອງທັບອາກາດ 923 ສືບຕໍ່ເສີມຂະຫຍາຍມູນເຊື້ອວິລະຊົນປະຕິວັດ, ຮັບເອົາ, ກຳແໜ້ນ ແລະ ເປັນເຈົ້າການນຳໃຊ້ອາວຸດ, ຍຸດທະພັນທີ່ທັນສະໄໝ ຢ່າງວ່ອງໄວ, ປະຕິບັດວຽກງານເວນຍາມປະຈຳການ, ຝຶກແອບໃຫ້ດີ, ກຽມພ້ອມສູ້ຮົບ... ປະກອບສ່ວນຍົກສູງກຳລັງປ້ອງກັນຕົນເອງ, ປົກປັກຮັກສາເອກະລາດ, ອະທິປະໄຕຜືນແຜ່ນດິນອັນຄົບຖ້ວນ, ປົກປັກຮັກສາເຂດນານຟ້າຂອງປະເທດຊາດໃຫ້ໝັ້ນຄົງ. ລະອຽດຄື, ກອງພັນໃຫຍ່ຕ້ອງສືບຕໍ່ປະຕິບັດໜ້າທີ່ຕົ້ນຕໍ່ແມ່ນປະຕິບັດວຽກງານຝຶກແອບ, ຍົກສູງສະຕິລະວັງຕົວ, ຝຶກຊ້ອມບັນດາກໍລະນີທີ່ຄ້າຍຄືກັບຄວາມຈິງ, ກຽມພ້ອມສູ້ຮົບ ແລະ ສາມາດເອົາໄຊຊະນະເມື່ອມີກໍລະນີເກີດຂຶ້ນ, ບໍ່ປະໃຫ້ຕົກຢູ່ທ່າຮັບໃນທຸກໆກໍລະນີ.
ນອກຈາກນັ້ນແລ້ວ, ທ່ານນາຍົກລັດຖະມົນຕີ ຫງວຽນເຕີນຢູງ ປາດຖະໜາວ່າ ກະຊວງປ້ອງກັນປະເທດ ປະຕິບັດວຽກງານພາລະທິການ ກອງທັບໃຫ້ເປັນຢ່າງດີ, ເບິ່ງແຍງດູແລຊີວິດດ້ານວັດຖຸ, ຈິດໃຈເພື່ອແນໃສ່ຮັບປະກັນໃຫ້ພະນັກງານ, ນັກຮົບໃນກອງທັບ ອູ່ນອ່ຽນໃຈປະຕິບັດງານ, ຝຶກແອບ ແລະ ສູ້ຮົບ, ປະຕິບັດໜ້າທີ່ເຊິ່ງພັກ, ລັດໄດ້ຮັບມອບໝາຍໃຫ້ເປັນຢ່າງດີ.