ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ລົງກວດກາ 3 ໂຄງການກໍ່ສ້າງຈຸດສຸມ
|
ຕອນເຊົ້າວັນທີ 31/12, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ, ທ່ານເລຂາຄະນະພັກນະຄອນຮ່າໂນ້ຍ ຝ້າມກວາງງິ ພ້ອມກັບການນຳບາງກະຊວງ, ຂະແໜງການຂັ້ນສູນກາງ ແລະ ນະຄອນຮ່າໂນ້ຍໄດ້ລົງໄປກວດກາລະດັບການກະກຽມນຳໂຄງການກໍ່ສ້າງ ຂົວເຍີດເຕີນ, ເສັ້ນທາງເຊື່ອມຕໍ່ເຍີດເຕີນກັບສະໜາມບິນສາກົນໂນ້ຍບາຍເຂົ້າໃຊ້ການ, ອາຄານຜູ້ໂດຍສານ T2 ແລະ ກວດກາວຽກງານວາງແຜນກຳນົດ, ກໍ່ສ້າງຢູ່ 2 ຟາກທາງເຍີດເຕິນ-ໂນ້ຍບາຍ. ນີ້ແມ່ນ 3 ໂຄງການຈຸດສຸມແຫ່ງຊາດຊຶ່ງໄດ້ຮັບການລົງທຶນດ້ວຍທຶນ ODA ຂອງລັດຖະບານຍີປຸ່ນ ແລະ ທຶນສົມທົບຂອງລັດຖະບານຫວຽດນາມ. ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ນີ້ແມ່ນບັນດາກິດຈະກຳທີ່ມີຂອບຂະໜາດໃຫຍ່ ແລະ ທັນສະໄໝຂອງປະເທດຊາດ, ເປັນຫຼັກຖານເພື້່ອຢັ້ງຢືນແກ່ການຫັນບາດກ້າວບຸກທະລຸຍຸດທະສາດກ່ຽວກັບການກໍ່ສ້າງໂຄງປະກອບໂຄງລ່າງທີ່ທັນສະໄໝ, ຄົບຊຸດ, ສ້າງບາດກ້າວບຸກທະລຸໃໝ່ໃຫ້ແກ່ການພັດທະນາເສດຖະກິດ-ສັງຄົມ.