ທ່ານນາຍົກລັດຖະມົນຕີ ຫງວຽນເຕີນຢຸງ ສິ້ນສຸດ
ການເຂົ້າຮ່ວມກອງປະຊຸມສຸດຍອດ GMS 5
(ພາບ: VGP)
(vovworld) – ຕອນຄໍ່າວັນທີ 20/12, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເດີນທາງກັບເມືອຮອດຮ່າໂນ້ຍ, ສິ້ນສຸດການເຂົ້າຮ່ວມກອງປະຊຸມສຸດຍອດຮ່ວມມືເຂດອະນຸພາກພື້ນແມ່ນ້ຳຂອງເປີດກ້ວາງຄັ້ງທີ 5 (GMS 5). ກອງປະຊຸມມີການເຂົ້າຮ່ວມຂອງການນຳບັນດາປະເທດ ກຳປູເຈຍ, ລາວ, ມຽນມາ, ໄທ, ຈີນ, ຫວຽດນາມ ແລະ ປະທານທະນາຄານພັດທະນາອາຊີ (ADB).
ກອງປະຊຸມໄດ້ອອກຖະແຫຼງການຮ່ວມ, ໃນນັ້ນຢືນຢັນສືບຕໍ່ມານະພະຍາຍາມລວມເພື່ອຫັນປ່ຽນບັນດາແລວຄົມມະນາຄົມ GMS ໃຫ້ກາຍເປັນແລວເສດຖະກິດ. ບັນດາປະເທດສະມາຊິກໃຫ້ຄຳໝັ້ນສັນຍາຍູບເລິກຮົ້ວກີດຂວາງດ້ານລະບຽບການສຳລັບການເຊື່ອມຕໍ່ຜ່ານຊາຍແດນ. ຕາມນັ້ນແລ້ວ, ສ້າງໂຄູງການກະທຳສ້າງຄວາມສະດວກດ້ານຄົມມະນາຄົມ ແລະ ການຄ້າ (TTF) ຢ່າງຈະແຈ້ງ, ຮອບດ້ານ ລວມທັງທຸກໆບັນຫາທີ່ສົ່ງຜົນສະທ້ອນເຖິງການຂົນສົ່ງຜ່ານຊາຍແດນຂອງບັນດາພາຫະນະຂົນສົ່ງ, ສິນຄ້າ, ມະນຸດ ແລະ ສົມທົບກັນຜັນຂະຫຍາຍໂຄງການດັ່ງກ່າວຢ່າງມີປະສິດທິຜົນ. ລັດຖະບານບັນດາປະເທດ GMS ຮັບປະກັນໃຫ້ບັນດາຂໍ້ລິເລີ່ມພາກພື້ນກ່ຽວກັບດ້ານເສດຖະກິດພາກເອກະຊົນສຳເລັດ, ພິເສດສຸມໃສ່ເຂົ້າໃນການຊຸກຍູ້ການແກ່ງແຍ້ງເຂດອະນຸພາກພື້ນ. ໃນສະພາບມະນຸດຖືກຜົນເສຍຫາຍຢ່າງງ່າຍ ຍ້ອນການກະທົບຈາກການປ່ຽນແປງຂອງດິນຟ້າອາກາດ, ບັນດາປະເທດໃຫ້ຄຳໝັ້ນສັນຍາຈະມານະພະຍາຍາມເພື່ອແນໃສ່ສ້າງ ແລະ ປະຕິບັດບັນດາມາດຕະການຫຼຸດຜ່ອນຄວາມສ່ຽງກໍ່ຄືຜົນກະທົບຈາກການປ່ຽນແປງຂອງດິນຟ້າອາກາດ ແລະ ໄພພິບັດທຳມະຊາດອື່ນ, ຊຸກຍູ້ການພັດທະນາແບບຍື່ນຍົງ, ໃນນັ້ນມີການປົກປັກຮັກສາ ແລະ ພັດທະນາບັນດາແຫຼ່ງຊັບພະຍາກອນມະນຸດຢ່າງມີປະສິດທິຜົນ.