ທ່ານນາຍົກລັດຖະມົນຕີ ຫງວຽນເຕີນຢູງ ກ່າວຄຳເຫັນນະພິທີ
(ພາບ: Chinhphu.vn)
(vovworld) – ຕອນເຊົ້າວັນທີ 19/3, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູງ ໄດ້ເຂົ້າຮ່ວມພິທີເລີ່ມລົງມືກໍ່ສ້າງໂຄງການເປີດກ້ວາງສະໜາມບິນສາກົນ ກາດບີ, ນະຄອນ ຫາຍຟ່ອງ. ກ່າວຄຳເຫັນນະພິທີ, ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກວ່າ: ນີ້ແມ່ນໂຄງການມີຄວາມໝາຍສຳຄັນຕໍ່ການພັດທະນາເສດຖະກິດ - ສັງຄົມຂອງນະຄອນ ຫາຍຟ່ອງ ເວົ້າສະເພາະ ກໍ່ຄືຂອງເຂດເສດຖະກິດ ຈຸດສຸມພາກເໜືອ ແລະ ທັງປະເທດເວົ້າລວມ. ທ່ານນາຍົກລັດຖະມົນຕີ ຮຽກຮ້ອງໃຫ້ນະຄອນ ຫາຍຟ່ອງ ແລະ ບັນດານັກປະມຸນ, ໃຫ້ຄຳປຶກສາ, ຫົວໜ່ວຍປະຕິບັດ ຕ້ອງມີການສົມທົບກັນຢ່າງແໜ້ນແຟ້ນ ເພື່ອເປັນເຈົ້າການ, ແກ້ໄຂບັນດາຄວາມຫຍຸ້ງຍາກ, ສິ່ງຄົງຄ້າງໃນວິວັດການປະຕິບັດໂຄງການຢ່າງທັນການ, ປະຕິບັດບັນດາຄຳໝັ້ນສັນຍາ, ບັນດາຂໍ້ກຳນົດ, ກົດໝາຍຂອງລັດກ່ຽວກັບການລົງທຶນກໍ່ສ້າງຢ່າງຖືກຕ້ອງ, ຮັບປະກັນຄຸນນະພາບ, ຖືກກັບຄວາມຄືບໜ້າທີ່ໄດ້ວາງອອກ. ໂຄງການລົງທຶນກໍ່ສ້າງເປີດກ້ວາງ ສະໜາມບິນສາກົນ ກາດບີ ມີຍອດເງິນລົງທຶນກ່ວາ 3.660 ຕື້ດົ່ງ, ເວລາປະຕິບັດໂຄງການ 2013 – 2015. ນີ້ແມ່ນສະໜາມບິນທີ່ມີຂະໜາດໃຫຍ່, ຕາມມາດຕະຖານສະໜາມບິນທັນສະໄໝ, ແມ່ນສະໜາມບິນກະກຽມຢ່າງຄົບຖ້ວນໃຫ້ແກ່ສະໜາມບິນສາກົນ ໂນ້ຍບ່າຍ. ຕາມແຜນກຳນົດແລ້ວ, ຮອດປີ 2015, ສະໜາມບິນສາກົນ ກາດບີ ຈະສາມາດຕ້ອນຮັບແຂກໄດ້ 2 ລ້ານເທື່ອຄົນ/ ປີ.
ແລະກໍ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ໄປຢ້ຽມຢາມ ບໍລິສັດຫຸ້ນສ່ວນຕໍ່ກຳ່ປັ່ນ ຊົງເກີມ (Song Cam) (ທີ່ຂຶ້ນກັບກຸ່ມບໍລິສັດອຸດສາຫະກຳ ກຳ່ປັ່ນ - Vinashin) ຢູ່ເມືອງ ຮົ່ງບາງ, ນະຄອນ ຫາຍຟ່ອງ. ທ່ານນາຍົກລັດຖະມົນຕີ ຫງວຽນເຕີນຢູງ ເນັ້ນໜັກວ່າ: ຍາມໃດ ພັກ, ລັດ ຫວຽດນາມ ກໍ່ເອົາໃຈໃສ່ລົງທຶນເຂົ້າບັນດາຂະແໜງເສດຖະກິດທະເລ, ໃນນັ້ນມີຂະແໜງຕໍ່ກຳ່ປັ່ນ. ພັດທະນາຂະແໜງຕໍ່ກຳ່ປັ່ນທັງເພື່ອພັດທະນາເສດຖະກິດ, ທັງຮັບປະກັນປ້ອງກັນຊາດປ້ອງກັນຄວາມສະຫງົບ. ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ໃສ່ໃຈວ່າທາງບໍລິສັດຄວນປັບປຸງພື້ນຖານໂຄງລ່າງວັດຖຸ, ເຕັກນິກທີ່ມີຢູ່ແລ້ວ, ຍູ້ແຮງການບໍລິການສ້ອມແປງກຳ່ປັ່ນ, ຂຸດຄົ້ນຄວາມສາມາດບົ່ມຊ້ອນຂອງຂະແໜງກຳ່ປັ່ນປະເທດເຮົາໃຫ້ດີທີ່ສຸດ, ມີຂັ້ນຕອນປ່ຽນໃໝ່ເຕັກໂນໂລຢີເທື່ອລະກ້າວ, ສຳພັດເຕັກໂນໂລຢີກ້າວໜ້າໃນການເຄື່ອນໄຫວຕໍ່ກຳປ່ັນໃໝ່ ແລະ ສ້ອມແປງ ກຳ່ປັ່ນ.
ໂອກາດນີ້, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ພົບປະກັບຜູ້ຕາງໜ້າສະມາຄົມໝູນເຊື້ອນັກຮົບ ດ້ຽນບຽນຝູ ນະຄອນ ຫາຍຟ່ອງ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູງ ຢັ້ງຢືນວ່າ: ພັກ, ລັດ ສືບຕໍເອົາໃຈໃສ່ ແລະ ຈະເຮັດຈົນສຸດຄວາມສາມາດຂອງຕົນເພື່ອຍົກສູງຊີວິດທາງດ້ານວັດຖຸ, ຈິດໃຈຂອງບັນດາຄອບຄົວນອນໃນເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດເວົ້າລວມ ແລະ ນະຄອນ ຫາຍຟ່ອງ ເວົ້າສະເພາະ. ທ່ານນາຍົກລັດຖະມົນຕີ ສະເໜີໃຫ້ນະຄອນ ຫາຍຟ່ອງ ຄວນສືບຕໍ່ເອົາໃຈໃສ່, ຊຸກຍູ້ບັນດາການເຄື່ອນໄຫວສັງຄົມ, ຕອບບຸນແທນຄຸນ, ກິນເຂົ້າຄິດຮອດຄຸນນາກິປາຄິດຮອດຄຸນນ້ຳກ່ວາອີກ, ເພື່ອໃຫ້ວຽກງານເບິ່ງແຍງດູແລ, ຕອບບຸນແທນຄຸນຜູ້ມີຄຸນງາມຄວາມດີນັບມື້ນັບດີກ່ວາອີກ, ສ້າງເງື່ອນໄຂອວຍນວຍຄວາມສະດວກກ່ວາອີກ ເພື່ອໃຫ້ສະມາຄົມນັກຮົບ ດ້ຽນບຽນຝູ ເຄື່ອນໄຫວຢ່າງມີປະສິດທິຜົນ.