(vovworld) - ວັນທີ 12/01, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ນຳໜ້າຄະນະຜູ້ແທນຫວຽດນາມ ເດີນທາງໄປຢ້ຽມຢາມ ແລະ ເຮັດວຽກຢູ່ລາຊະອານາຈັກ ກຳປູເຈຍ ແຕ່ວັນທີ 12 – 14/01, ຕາມຄຳເຊີນຂອງທ່ານນາຍົກລັດຖະມົນຕີລາຊະອານາຈັກກຳປູເຈຍ Samdech Decho Hun Sen. ການຢ້ຽມຢາມ ແລະ ເຮັດວຽກຢູ່ກຳປູເຈຍ ຄັ້ງນີ້ຂອງທ່ານນາຍົກລັດຖະມົນຕີຫງວຽນເຕີນຢຸງ ແມ່ນເພື່ອສະແດງໃຫ້ເຫັນການຖືເປັນສຳຄັນການພົວພັນຮ່ວມມືລະຫວ່າງ 2 ປະເທດ, ສືບຕໍ່ຊຸກຍູ້ການຮ່ວມມື 2 ຝ່າຍ ໃນບັນດາຂົງເຂດຄື: ເສດຖະກິດ, ການຄ້າ, ການລົງທຶນ...
ການພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ກຳປູເຈຍ ໃນໄລຍະຜ່ານມາ ສືບຕໍ່ມີບັນດາບາດກ້າວພັດທະນາຢ່າງຕັ້ງໜ້າ. ໃນປີ 2013, 2 ຝ່າຍໄດ້ມີການແລກປ່ຽນຄະນະຜູ້ແທນທຸກຂັ້ນ. ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບໄດ້ຮັບການເພີ່ມທະວີ; 2 ຝ່າຍ ຮ່ວມມືໃນວຽກງານຊອກຫາ, ທ້ອນໂຮມ ແລະ ນຳເອົາອັດຖິທະຫານອາສາສະໝັກຫວຽດນາມ ທີ່ເສຍສະຫຼະຊີວິດເພື່ອຊາດໃນໄລຍະສົງຄາມຢູ່ກຳປູເຈຍ ກັບເມ່ືອປະເທດ. ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ 2 ປະເທດສືບຕໍ່ມີການພັດທະນາຢ່າງວ່ອງໄວ. ຄຽງຂ້າງນັ້ນ, ວຽກງານປັກຫຼັກໝາຍຊາຍແດນສືບຕໍ່ໄດ້ຮັບການສົມທົບກັນຜັນຂະຫຍາຍລະຫວ່າງ 2 ປະເທດ. 2 ຝ່າຍຢືນຢັນຈະສືບຕໍ່ຮ່ວມມືເພື່ອສຳເລັດວຽກງານດັ່ງກ່າວໂດຍໄວ, ປະກອບສ່ວນກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ສະຖຽນລະພາບ, ໝັ້ນຄົງ ແລະ ພັດທະນາ.