ນາຍົກລັດຖະມົນຕີ ຫວຽດນາມ ເຂົ້າຮ່ວມວາລະປຶກສາຫາລືຂັ້ນສູງຂອງ ສະມັດຊາໃຫຍ່ ສປຊ
(ພາບປະກອບ)
(vovworld) - ວັນທີ 26 ກັນຍາ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ເດີນທາງອອກຈາກນະຄອນຫຼວງປາຣີ ປະເທດຝລັ່ງ ໄປອາເມລິກາ ເພື່ອເຂົ້າຮ່ວມວາລະປຶກສາຫາລືຂັ້ນສູງຂອງ ສະມັດຊາໃຫຍ່ສະຫະປະຊາຊາດ ຄັ້ງທີ 68 ຢູ່ນະຄອນນິວຢອກ ໃນລະຫວ່າງວັນທີ 26 – 28 ກັນຍາ. ການເຂົ້າຮ່ວມຂອງທ່ານນາຍົດລັດຖະມົນຕີ ຫງວຽນເຕີນຢຸງ ແລະ ຄະນະຜູ້ແທນຂັ້ນສູງຫວຽດນາມ ຢູ່ວາລະປຶກສາຫາລືຄັ້ງນີ້ ແມ່ນເພື່ອແນໃສ່ສືບຕໍ່ຜັນຂະຫຍາຍແນວທາງເຊື່ອມໂຍງເຂົ້າກັບສາກົນ, ຍົກສູງບົດບາດທີ່ຕັ້ງສາກົນຂອງຫວຽດນາມ, ພ້ອມທັງປະກອບສ່ວນເພີ່ມທະວີການພົວພັນລະຫວ່າງຫວຽດນາມ - ສະຫະປະຊາຊາດເວົ້າລວມ ແລະ ບັນດາອົງການວິຊາການເວົ້າສະເພາະ.
ດ້ວຍຫົວຂໍ້ “ສ້າງພື້ນຖານກໍ່ສ້າງໂຄງການດຳເນີນງານພັດທະນາພາຍຫຼັງປີ 2015”, ວາລະປຶກສາຫາລືຂັ້ນສູງຂອງສະມັດຊາໃຫຍ່ສະຫະປະຊາຊາດຄັ້ງທີ 68 ແມ່ນໂອກາດເພື່ອກວດກາກາງສະໃໝ ການປະຕິບັດບັນດາຈຸດໝາຍພັດທະນາສະຫັດສະວັດ ແລະ ເລີ່ມດຳເນີນວິວັດການກໍ່ສ້າງໂຄງການດຳເນີນງານຂອງສະຫະປະຊາຊາດພາຍຫຼັງປີ 2015. ບັນດາຜູ້ແທນໄດ້ສຸມໃສ່ປຶກສາຫາລືມາດຕະການຕ່າງໆເພື່ອຊຸກຍູ້ການແກ້ໄຂບັນດາການພິພາດ, ການປະທະກັນ ແລະ ຄວາມບໍ່ລົງລອຍກັນ ໃນນັ້ນມີສະພາບການຢູ່ຊີຣີ ໂດຍສັນຕິວິທີ; ປຶກສາຫາລືບັນດາມາດຕະການຊຸກຍູ້ສິດທິມະນຸດ, ຄວາມສະເໝີພາບລະຫວ່າງຍິງຊາຍ...
ເນື່ອງໃນໂອກາດທີ່ເຂົ້າຮ່ວມວາລະປຶກສາຫາລືຂັ້ນສູງນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ຈະພົບປະກັບການນຳທະນາຄານໂລກ ເພື່ອແນໃສ່ເພີ່ມທະວີການພົວພັນຮ່ວມມືທີ່ພວມພັດນາອັນດີງາມລະຫວ່າງ 2 ຝ່າຍ, ໂດຍສະເພາະແມ່ນໃນຂົງເຂດລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ ແລະ ພັດທະນາເສດຖະກິດສັງຄົມຢູ່ຫວຽດນາມ ໃນຊຸມທົດສະວັດຜ່ານມາ.