( vovworld ) - ຕອນເຊົ້າວັນທີ 18/5, ຢູ່ນະຄອນເກີນເທີ, ທ່ານນາຍົກລັດຖະມົນຕີຫວຽດນາມ Nguyen Tan Dung ໄດ້ເຂົ້າຮ່ວມພິທີເປີດນຳໃຊ້ກິດຈະກຳເສັ້ນທາງເຊື່ອມຕໍ່ນະຄອນວິແທງ, ແຂວງເຮົ້າຢາງ ກັບນະຄອນກົນເທີ. ພາຍຫຼັງ 4 ກວ່າປີທີ່ປະຕິບັດການກໍ່ສ້າງເສັ້ນທາງເສັ້ນທາງເຊື່ອມຕໍ່ວິແທງ ກັບນະຄອນເກີນເທີ ໄດ້ນຳເຂົ້າໃຊ້ການ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ Nguyen Tan Dung ໄດ້ຮຽກຮ້ອງໃຫ້ນະຄອນເກີນເທີ, ແຂວງ ເຮົ້າຢາງ ແລະ ບັນດາທ້ອງຖິ່ນໃນເຂດທ່ົງພຽງແມ່ນ້ຳຂອງສືບຕໍ່ສຸມໃສ່ໜູນຊ່ວຍແກ້ໄຂຄວາມຫຍຸ້ງຍາກເພື່ອໃຫ້ປະຊາຊົນ ແລະ ວິສາຫະກິດພັດທະນາການຜະລິດດຳເນີນທຸລະກິດ; ລະດົມທຸກໆແຫຼ່ງກຳລັງເພື່ອລົງທຶນໃຫ້ພື້ນຖານເສດຖະກິດສັງຄົມ, ໂດຍສະເພາະແມ່ນທາງຄົມມະນາຄົມ, ຊົນລະປະທານ, ສຸກສາລາ, ໂຮງຮຽນ. ບັນດາທ້ອງຖິ່ນເຂດທົ່ງພຽງແມ່ນນ້ຳຂອງຄວນກຳນົດການບຳລຸງສ້າງແຫຼ່ງຊັບພະຍາກອນມະນຸດຕ້ອງແມ່ນໜ້າທີ່ບຸລິມະສິດອັນດັບໜື່ງໃນໄລຍະທີ່ຈະມາເຖິງ. ທ່ານນາຍົກລັດຖະມົນຕີໄດ້ເນັ້ນໜັກເຖິງຄວາມສຳຄັນຂອງການບຳລຸງສ້າງແຫຼ່ງຊັບພະຍາກອນມະນຸດແມ່ນໜ້າທີ່ຮີບດ່ວນໃນຕໍ່ໜ້າ, ເປັນພື້ນຖານຍາວນານ ແລະ ມີຄວາມໝາຍຕັດສິນໃນການພັດທະນາຢ່າງໝັ້ນຄົງ.
“ ນອກຈາກການກໍ່ສ້າງພື້ນຖານໂຄງລ່າງ, ເສດຖະກິດ, ເຂດທົ່ງພຽງແມ່ນ້ຳຂອງ, ນະຄອນເກີນເທີ ແລະ ແຂວງ ເຮົ້າຢາງ ເວົ້າສະເພາະ ຄວນສຸມໃສ່ພັດທະນາການສຶກສາ ແລະ ບຳລຸງສ້າງຢ່າງແຂງແຮງກວ່າອີກ. ພວກເຮົາຕ້ອງເຮັດຢ່າງຄົບຊຸດ. ແຕ່ສິ່ງທີ່ເປັນພື້ນຖານ ແລະ ຍາວນານໃນສະເພາະໜ້າ ມີຄວາມໝາຍຕັດສິນ, ນັ້ນແມ່ນແຫຼ່ງຊັບພະຍາກອນມະນຸດ, ແມ່ນຜູ້ມີພູນປັນຍາ, ຄວາມສາມາດ, ຄຸນນະພາບ ແລະ ຄຸນສົມບັດ. ເພາະສະນັ້ນ, ຕ້ອງສຸມໃສ່ໃຫ້ແກ່ການສຶກສາ ”
ແລະກໍໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ Nguyen Tan Dung ພ້ອມກັບຄະນະປະຕິບັດງານລັດຖະບານໄດ້ມີການເຮັດວຽກກັບການນຳຫຼັກແຫຼ່ງແຂວງ ເຮົ້າຢາງ ກ່ຽວກັບສະພາບການພັດທະນາເສດຖະກິດສັງຄົມໃນ 4 ເດືອນຕົ້ນປີ 2012.