ນາຍົກລັດຖະມົນຕີຊີ້ນຳຈັດຕັ້ງຂະບວນການທົ່ວປວງຊົນເຂົ້າຮ່ວມການປົກປັກຮັກສາອະທິປະໄຕ,ຄວາມສະຫງົບເຂດຊາຍແດນ
ທ່ານນາຍົກລັດຖະມົນຕີ ຫງວຽນເຕີນຢູ້ງ ທີ່ກອງປະຊຸມສະຫລຸບວຽກງານປ້ອງກັນປະເທດປີ 2014
(ພາບ: VGP/Nhật Bắc )
|
(vovworld) - ວັນທີ 9/1, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ປະກາດໃຊ້ຄຳສັ່ງກ່ຽວກັບເລື່ອງຈັດຕັ້ງຂະບວນການທົ່ວປວງຊົນເຂົ້າຮ່ວມການປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບປອດໄພຢູ່ເຂດຊາຍແດນແຫ່ງຊາດໃນສະພາບການໃໝ່. ຕາມນັ້ນແລ້ວ, ນາຍົກລັດຖະມົນຕີ ຮຽກຮ້ອງໃຫ້ຄະນະກຳມະການປະຊາຊົນບັນດາແຂວງ, ນະຄອນ ຕິດກັບຊາຍແດນ, ທະເລ ເປັນເຈົ້າການສົມທົບກັບຄະນະກຳມະການສູນກາງແນວໂຮມປະເທດຊາດ ຫວຽດນາມ, ກະຊວງປ້ອງກັນປະເທດ (ທະຫານປ້ອງກັນຊາຍແດນ), ກະຊວງຕຳຫຼວດຈັດຕັ້ງຂະບວນການໃຫ້ບັນດາໝູ່ຄະນະ, ຄອບຄົວ ແລະ ບຸກຄົນ ຈົດທະບຽນເຂົ້າຮ່ວມການປົກປັກຮັກສາອະທິປະໄຕຜືນແຜ່ນດິນ, ຮັກສາຄວາມສະຫງົບ, ປອດໄພ, ຄວາມເປັນລະບຽບຮຽບຮ້ອຍໃນເຂດຊາຍແດນ. ທ່ານນາຍົກລັດຖະມົນຕີ ຮຽກຮ້ອງໃຫ້ກະຊວງປ້ອງກັນປະເທດຊີ້ນຳທະຫານປ້ອງກັນຊາຍແດນ, ຕຳຫຼວດທະເລ, ກອງທັບເຮືອສົມທົບກັບກະຊວງກະສິກຳ ແລະ ພັດທະນາຊົນນະບົດສ້າງເງື່ອນໄຂສະດວກເພື່ອໃຫ້ຊາວປະມົງຫາປາຢູ່ໄກຝັ່ງ, ໜູນຊ່ວຍໃນການກູ້ໄພກູ້ຊີບເພື່ອປົກປັກຮັກສາອະທິປະໄຕເຂດທະເລ, ໝູ່ເກາະແຫ່ງຊາດ, ເປັນເຈົ້າການສົມທົບກັບກະຊວງຕຳຫຼວດໃນວຽກງານສ້າງຂະບວນການທົ່ວປວງຊົນເຂົ້າຮ່ວມການປົກປັກຮັກສາຄວາມສະຫງົບແຫ່ງຊາດ, ຮັກສາຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ.