ທ່ານນາງນາຍົກລັດຖະມົນຕີ ສາທາລະນະລັດບັງກະລາເທດ Sheikh Hasina
(ພາບ: google.com.vn)
(vovworld) - ໂດຍຕອບສະໜອງຕາມຄຳເຊີນຂອງທ່ານນາຍົກລັດຖະມົນຕີຫວຽດນາມ Nguyen Tan Dung, ວັນທີ 2/11, ທ່ານນາງນາຍົກລັດຖະມົນຕີ ສາທາລະນະລັດບັງກະລາເທດ Sheikh Hasina ເລີ່ມຕົ້ນການຢ້ຽມຢາມຫວຽດນາມຢ່າງເປັນທາງການ ໃນລະຫວ່າງວັນທີ 2-4/11, ນີ້ແມ່ນການຢ້ຽມຢາມຫວຽດນາມ ຄັ້ງທຳອິດຂອງທ່ານນາງ Sheikh Hasina ໃນຖານະເປັນນາຍົກລັດຖະມົນຕີ ບັງກະລາເທດ, ເປັນຂີດໝາຍໃໝ່ໃນການພົວພັນລະຫວ່າງຫວຽດນາມ - ບັງກະລາເທດ. ການຢ້ຽມຢາມຫວຽດນາມຄັ້ງນີ້ຂອງທ່ານນາງນຍົກລັດຖະມົນຕີບັງກະລາເທດ ເພື່ອແນໃສ່ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບຫວຽດນາມ, ຊຸກຍູ້ການພົວພັນຮ່ວມມືຫຼາຍດ້ານລະຫວ່າງສອງປະເທດໃນໄລຍະຈະມາເຖິງ, ພ້ອມທັງແລກປ່ຽນບາງບັນຫາໃນພາກພື້ນ ແລະ ສາກົນ ເຊິ່ງທັງສອງຝ່າຍຕ່າງມີຄວາມສົນໃຈ. ຫວຽດນາມ - ບັງກະລາເທດ ມີການພົວພັນມິດຕະພາບ ແລະ ການຮ່ວມມືອັນດີງາມນຳກັນ. ຫວຽດນາມ ແລະ ບັງກະລາເທດ ໄດ້ສ້າງການພົວພັນທາງການທູດຢ່າງເປັນທາງການນັບແຕ່ວັນທີ 11/2/1973.
ພາຍຫຼັງພິທີຕ້ອນຮັບທາງການ, ທ່ານນາຍົກລັດຖະມົນຕີ Nguyen Tan Dung ໄດ້ເຈລະຈາກັບນາງນາຍົກລັດຖະມົນຕີສາທາລະນະລັດບັງກະລາເທດ Sheikh Hasina. ນະທີ່ນີ້, ນາຍົກລັດຖະມົນທັງສອງທ່ານໄດ້ຢັ້ງຢືນຄວາມຕິດສິນໃຈຂອງການນຳ ແລະ ປະຊາຊົນສອງປະເທດເພື່ອແນໃສ່ນຳການພົວພັນອັນດີງາມທີ່ມີມາແລ້ວໃຫ້ຂຶ້ນສູ່ລະດັບສູງໃໝ່; ສອງຝ່າຍໄດ້ເຫັນດີເປັນເອກະສັນກັບບັນດາທິດທາງໃຫ່ຍ ແລະ ມາດຕະການລະອຽດ ເພື່ອແນໃສ່ຊຸກຍູ້ການພົວພັນລະຫວ່າງສອງປະເທດໃນໄລຍະຈະມາເຖິງກ່ວາອີກໃນບັນດາຂົງເຂດ: ການເມືອງ, ການປ້ອງກັນຊາດປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ ແລະ ສູ້ຊົນໃຫ້ວົງເງິນການຄ້າສອງສົ້ນໃນ 5 ປີຕໍ່ໜ້າບັນລຸ 1 ຕື້ໂດລາສະຫະລັດ. ນາຍົກລັດຖະ ມົນຕີສອງທ່ານກໍ່ໄດ້ແລກປ່ຽນຄຳເຫັນກ່ຽວກັບບັນດາບັນຫາພາກພື້ນ ແລະ ສາກົນຕ່າງມີຄວາມສົນໃຈ ແລະ ຢັ້ງຢືນຈະສືບຕໍ່ຮ່ວມມືກັນຢ່າງແໜ້ນແຟ້ນໃນບັນດາເວທີປາໄສສາກົນ. ປະກາດກັບວົງການນັກຂ່າວພາຍໃນ ແລະ ຕ່າງປະເທດຫຼັງການເຈລະຈາ, ທ່ານນາຍົກລັດຖະມົນຕີຫວຽດນາມ Nguyen Tan Dung ຢືນຢັນວ່າ:
“ສອງຝ່າຍໃຫ້ຄຳໝັ້ນສັນຍາຈະສ້າງເງື່ອນໄຂອຳນວຍຄວາມສະດວກໃຫ້ວິສາຫະກິດສອງປະເທດຮ່ວມມືກັນດ້ານເສດຖະກິດ, ຮ່ວມມືກັນລົງທຶນໃນບັນດາຂົງເຂດທີ່ສອງຝ່າຍທີທ່າແຮງ. ສອງຝ່າຍກໍ່ເຫັນດີເປັນເອກະສັນນຳກັນຈະສ້າງເງື່ອນໄຂສະດວກໃຫ້ແກ່ການພົບພັນແລກປ່ຽນດ້ານການຄ້າທາງທະເລ ແລະ ຫັນບັນດາລະບຽບການບໍຫານໃຫ້ແກ່ສິນຄ້ານຳເຂົ້າສົ່ງອອກເປັນງ່າຍດາຍ ແລະ ມອບໃຫ້ບັນດາກະຊວງທີ່ກ່ຽວຂ້ອງປຶກສາຫາລືເພື່ອມຸ້ງໄປເຖິງການເຈລະຈາສັນຍາການຄ້າເສລີລະຫວ່າງສອງປະເທດ“.
ແລະ ກໍ່ໃນຕອນບ່າຍຂອງວັນທີ 2/11, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong, ທ່ານປະທານປະເທດຫວຽດນາມ Truong Tan Sang ໄດ້ໃຫ້ການຕ້ອນຮັບ ແລະ ພົບປະກັບທ່ານນາງນາຍົກລັດຖະມົນຕີສາທາລະນະລັດບັງກະລາເທດ Sheikh Hasina ເຊັ່ນດຽວກັນ.