(vovworld) - ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີຫວຽດນາມ Nguyen Tan Dung, ນາຍົກລັດຖະມົນຕີລາຊະອານາຈັກແດນມາກ, ທ່ານນາງ Helle Thorning Schimidt ຈະເດີນທາງມາຢ້ຽມຢາມຫວຽດນາມ ຢ່າງເປັນທາງການໃນລະຫວ່າງວັນທີ 7 – 8/11/2012. ການຢ້ຽມຢາມຄັ້ງນີ້ແມ່ນໂອກາດເພີ່ອໃຫ້ສອງປະເທດຊຸກຍູ້ການພົວພັນຮ່ວມມືໃນຫຼາຍຂົງເຂດ. ເນື່ອງໃນໂອກາດນີ້, ກະຊວງອຸຕຸນິຍົມ ແລະ ພະລັງງານແດນມາກ ແລະ ກະຊວງອຸດສາຫະກຳການຄ້າຫວຽດນາມ ຈະລົງນາມໃນຂໍ້ຕົກລົງຮ່ວມມື. ເຊິ່ງຕາມນັ້ນແລ້ວ, ຄາດວ່າ ແດນມາກ ຈະສະຫງວນຈຳນວນເງິນກວ່າ 14 ລ້ານ USD ເພື່ອໜູນຊ່ວຍບັນດາວິສາຫະກິດຂະໜາດກາງ ແລະ ນ້ອຍຂອງຫວຽດນາມ ໃນຂົງເຂດນຳໃຊ້ພະລັງງານຢ່າງມີປະສິດທິຜົນ. ຕາມທ່ານເອກອັກຄະລັດຖະທູດແດນມາກ ປະຈຳຫວຽດນາມ John Nielse ແລ້ວ, ແດນມາກ ໄດ້ກຳນົດ 10 ຕະຫຼາດທີ່ຫາກໍພົ້ນເດັ່ນຂື້ນໃນໂລກ, ເພາະສະນັ້ນ, ມີບັນດາວິສາຫະກິດແດນມາກ ເອົາໃຈໃສ່ຊອກຫາກາລະໂອກາດທຳມະຫາກິນຢູ່ຫວຽດນາມ. ທ່ານເອກອັກຄະລັດຖະທູດກໍໃຫ້ຮູ້ວ່າ, ແດນມາກ ປາດຖະໜາວ່າ ຫວຽດນາມ ສືບຕໍ່ປັບປຸງບັນດາເງື່ອນໄຂຄືພື້ນຖານໂຄງລ່າງ, ຄຸນນະພາບແຫຼ່ງຊັບພະຍາກອນມະນຸດ… ເພື່ອໃຫ້ບັນດາວິສາຫະກິດແດນມາກ ເຄື່ອນໄວຢູ່ຫວຽດນາມ ຢ່າງມີປະສິດທິຜົນກວ່າ.