![ນາຍົກລັດຖະມົນຕີຫງວຽນຊວນຟຸກຕ້ອນຮັບລັດຖະມົນຕີກະຊວງເສດຖະກິດ, ການສຶກສາ,ການຄົ້ນຄ້ວາສະວິດ - ảnh 1](https://photo-cms-vovworld.zadn.vn/w730/uploaded/vovworld/tpuokbj/2016_10_12/201610111752475252_anh-thoi-su-ngay-2ngay-1110_copy_copy.jpg)
ທ່ານນາງ Marie Gabrielle Ineichen ແລະ ທ່ານ ຫງວຽນຊວນຟຸກ
(ພາບ: Thống Nhất-TTXVN)
|
(vovworld) – ຕອນບ່າຍວັນທີ 11/10, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານນາງ Marie Gabrielle Ineichen, ລັດຖະມົນຕີ, ຫົວໜ້າຄະນະກຳມາທິການແຫ່ງລັດກ່ຽວກັບເສດຖະກິດ, ກະຊວງເສດຖະກິດ, ການສຶກສາ, ການຄົ້ນຄ້ວາສະຫະພັນສະວິດ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ຫວຽດນາມ ພວມຍູ້ແຮງການປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ດັ່ງນັ້ນ, ຫວຽດນາມ ຊົມເຊີຍບັນດາວິສາຫະກິດ ສະວິດເປີດກ້ວາງການລົງທຶນ ແລະ ລົງທຶນໃໝ່, ພິເສດແມ່ນກ່ຽວກັບຂົງເຂດທີ່ ສະວິດມີທ່າແຮງຄື: ການບໍລິການ, ການເງິນ - ທະນາຄານ, ການປະກັນໄພ, ເຕັກໂນໂລຢີສູງ…
ສ່ວນທ່ານນາງ Marie Gabrielle Ineichen ໃຫ້ຮູ້ວ່າ: ວິສາຫະກິດ ສະວິດ ເອົາໃຈໃສ່ເຖິງຕະຫຼາດ ຫວຽດນາມ ທີ່ສຸດ ແລະ ຫວຽດນາມ ກໍ່ແມ່ນສະຖານທີ່ດຶງດູດນັກທ່ອງທ່ຽວສະວິດ. ທ່ານນາງ Marie Gabrielle Ineichen ຢັ້ງຢືນວ່າ: ຫວຽດນາມ ແມ່ນໜຶ່ງໃນບັນດາປະເທດທີ່ ສະວິດ ຖືເປັນຈຸດສຸມໃນການພົວພັນຢູ່ ອາຊີ. ຈຸດໝາຍສຳຄັນຂອງການຢ້ຽມຢາມ ຫວຽດນາມ ຄັ້ງນີ້ຂອງທ່ານນາງແມ່ນຊຸກຍູ້ການເຈລະຈາ FTA ລະຫວ່າງ ຫວຽດນາມ ແລະ ກຸ່ມການຄ້າເສລີ ເອີລົບ.