ທ່ານນາຍົກລັດຖະມົນຕີ ຫງວຽນຊວນຟຸກ ທີ່ການພົບປະ
(ພາບ: thanhnien.vn)
(vovworld) – ຕອນເຊົ້າວັນທີ 3/8, ຢູ່ນະຄອນຫາຍຟ່ອງ, ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບຜູ້ມີສິດເລືອກຕັ້ງນະຄອນ, ລາຍງານໝາກຜົນຂອງວາລະປະຊຸມຄັ້ງປະຖົມມະເລີກ, ສະພາແຫ່ງຊາດຊຸດທີ 14, ຮັບຟັງ, ແລກປ່ຽນກ່ຽວກັບຫຼາຍເນື້ອໃນທີ່ຜູ້ມີສິດເລືອກຕັ້ງຫາຍຟ່ອງ ສົນໃສ່. ທ່ານນາຍົກລັດຖະມົນຕີ ຫງວຽນຊວນຟຸກ ຢັ້ງຢືນເປົ້າໝາຍສຸດທ້າຍຂອງລັດຖະບານແມ່ນສ້າງວຽກເຮັດງານທຳ, ລາຍຮັບໃຫ້ແກ່ປະຊາຊົນ, ເພີ່ມສະມັດຕະພາບ, ກຳລັງຫົວຄິດປະດິດສ້າງ, ປົກປັກຮັກສາສະພາບແວດລ້ອມແຫ່ງການດຳລົງຊີວິດ… ພ້ອມກັບສ້າງລະບອບ, ນະໂຍບາຍ, ລັດຖະບານຕ້ອງມີການເຄື່ອນໄຫວວ່ອງໄວ, ຊັດເຈນ, ກ້າຄິດກ້າທຳ, ກ້າຮັບຜິດຊອບ. ທ່ານ ຫງວຽນຊວນຟຸກ ຢັ້ງຢືນວ່າ:
“ຂ້າພະເຈົ້າລາຍງານຕໍ່ຜູ້ມີສິດເລືອກຕັ້ງການກໍ່ຕັ້ງພັດທະນາ, ການກະທຳ, ເຄື່ອນໄຫວຢ່າງຂ້ຽວຂາດເພື່ອຮັບໃຊ້ປະຊາຊົນ, ແຕ່ສິ່ງສຳຄັນແມ່ນຕ້ອງຊາບຊຶມເຖິງອຳນາດການປົກຄອງທຸກຂັ້ນ, ທັງລະບົບຕ້ອງເຄື່ອນໄຫວ, ແກ້ໄຂບັນດາຮົ້ວຂີດຂວາງເພື່ອໃຫ້ປະຊາຊົນ, ວິສາຫະກິດອຸ່ນອ່ຽນໃຈພັດທະນາຜະລິດດຳເນີນທຸລະກິດ, ສ້າງສາປະເທດຊາດ.”