ນາຍົກລັດຖະມົນຕີຫງວຽນຊວນຟຸກເຂົ້າຮ່ວມເວທີປາໄສຫວຽດນາມ-ສະຫະພັນລັດເຊຍ
(ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ເວທີປາໄສ)
(vovworld) - ຕອນຄ່ຳວັນທີ 18/05 (ຕາມເວລາຫວຽດນາມ), ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມເວທີປາໄສວິສາຫະກິດ 2 ປະເທດຫວຽດນາມ - ສະຫະພັນລັດເຊຍ ດ້ວຍການເຂົ້າຮ່ວມຂອງບັນດາວິສາຫະກິດດີເດັ່ນ, ບັນດານັກລົງທຶນຂອງ 2 ປະເທດ. ຢູ່ທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ໃນຊຸມປີິຜ່ານມາ, ການຮ່ວມມືໃນຂົງເຂດລົງທຶນລະຫວ່າງຫວຽດນາມ ແລະ ສະຫະພັນລັດເຊຍ ໄດ້ຮັບການພັດທະນາຢ່າງຕັ້ງໜ້າ. ລັດເຊຍ ພວມຢືນອັບດັບທີ 17 ໃນຈຳນວນ 112 ປະເທດ ແລະ ເຂດແຄ້ວນລົງທຶນເຂົ້າຫວຽດນາມ, ດ້ວຍ 114 ໂຄງການລົງທຶນທີ່ຍັງມີຜົນສັກສິດຢູ່, ຍອດຈຳນວນທຶນຈົດທະບຽນບັນລຸ 2,08 ຕື້ USD ໃນບັນດາຂົງເຂດຄື: ພະລັງງານ, ຂຸດຄົ້ນແຫ່ທາດ, ຜະລິດກົນຈັກ… ຫວຽດນາມ ມີ 20 ໂຄງການລົງທຶນຢູ່ລັດເຊຍ ດ້ວຍຍອດຈຳນວນທຶນໃໝ່ ແລະ ເພີ່ມທຶນແມ່ນ 2,93 ຕື້ USD ໃນບັນດາຂົງເຂດຄື: ສຳຫຼວດ ແລະ ຂຸດຄົ້ນນ້ຳມັນອາຍແກັສ, ການບໍລິການ… ທ່ານນາຍົກລັດຖະມົນຕີສະເໜີທີ່ເວທີປາໄສນີ້ວ່າ, ວິສາຫະກິດ 2 ປະເທດພ້ອມກັນແລກປ່ຽນ, ເຈລະຈາ, ໄຈ້ແຍກສາຍເຫດທີ່ຍັງຄົງຂ້າງ, ອ່ອນດ້ອຍທີ່ພວມກີດຂວາງຈຳກັດການແລກປ່ຽນດ້ານການຄ້າລະຫວ່າງ ວິສາຫະກິດ 2 ປະເທດ; ພ້ອມທັງສະເໜີກົນໄກ, ນະໂຍບາຍ ແລະ ຕີລາຄາບັນດາຄວາມສາມາດບົ່ມຊ້ອນ, ທ່າແຮງ, ບັນດາເງື່ອນໄຂ, ກາລະໂອກາດສະດວກເພື່ອພັດທະນາການພົວພັນຮ່ວມມືລະຫວ່າງ 2 ປະເທດ, ໂດຍສະເພາະແມ່ນພາຍຫຼັງສັນຍາການຄ້າເສລີ (FTA) ຫວຽດນາມ - ພັນທະມິດເສດຖະກິດອາຊີ - ເອີລົບ ໄດ້ຮັບການລົງນາມ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ວິສາຫະກິດ 2 ປະເທດສູ້ຊົນຍົກວົງເງິນການຄ້າ 2 ສົ້ນລະຫວ່າງຫວຽດນາມ - ລັດເຊຍ ຂຶ້ນລະດັບ 10 ຕື້ USD ໃນປີ 2020 ຄືດັ່ງຄວາມຕັດສິນໃຈຂອງການນຳ 2 ປະເທດ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະໜາວ່າ.
“ການລົງທຶນລະຫວ່າງ 2 ປະເທດມີຄວາມສາມາດບົ່ມຊ້ອນຢ່າງໃຫຍ່ຫຼວງ. ບັນດານັກລົງທຶນຫວຽດນາມ ສາມາດຄົ້ນຄວ້າເພື່ອລົງທຶນເຂົ້າລັດເຊຍ ໃນບາງຂົງເຂດ. ກົງກັນຂ້າມ, ບັນດາຄວາມສາມາດບົ່ມຊ້ອນອັນໃຫຍ່ຫຼວງຂອງລັດເຊຍ ກໍ່ສາມາດລົງທຶນເຂົ້າຫວຽດນາມ. ຫວຽດນາມ ສ້າງທຸກເງື່ອນໄຂສະດວກເພື່ອໃຫ້ລັດເຊຍ ລົງທຶນເຂົ້າຫວຽດນາມ. ຖ້າຫາກບັນດາວິສາຫະກິດຂອງລັດເຊຍ ມີໂຄງການທີ່ສາມາດປະຕິບັດໄດ້, ມີເຕັກໂນໂລຊີ, ອຸປະກອນທີ່ດີ ສາມາດຮັບເອົາກາລະໂອກາດ ເມື່ອຫວຽນາມ ໄດ້ມີການພົວພັນດ້ານການຄ້າກັບ 210 ປະເທດ. ເມື່ອສັນຍາການຄ້າເສລີລະຫວ່າງພັນທະມິດເສດຖະກິດອາຊີ - ເອີລົບ ກັບຫວຽດນາມ ມີຜົນສັກສິດ ຈະແມ່ນກາລະໂອກາດໃໝ່ໃຫ້ແກ່ 2 ຝ່າຍ…”
ແລະກໍໃນຕອນຄ່ຳວັນທີ 18/05, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມພິທີເປີດສະຫຼອງຫ້ອງການຕາງໜ້າຂອງທະນາຄານການຄ້າຫຸ້ນສ່ວນລົງທຶນ ແລະ ພັດທະນາຫວຽດນາມ (BIDV).